৭০ বছৰীয়া বৃদ্ধৰ কামনাৰ বলি ৮ বছৰীয়া শিশু ; মহাকুম্ভত পবিত্ৰ স্নান কৰি আহিয়েই এই কাণ্ড লম্পট বৃদ্ধৰ

Kakali Deka February 26, 2025

ডিজিটেল ডেস্কঃ দিনকদিনে ৰাজ্যত বৃদ্ধি পাইছে এটাৰ পাছত এটাকৈ অপৰাধমূলক ঘটনা। শেহতীয়াকৈ কলকাতা ধৰ্ষণ-হত্যাকাণ্ডই কঁপাই তুলিছিল সমগ্ৰ দেশ ৷

এইবাৰ‌ গহপুৰত এক লজ্জাজনক ঘটনা সংঘটিত হৈছে। গহপুৰৰ গমিৰি গধৰীয়া বস্তিত ধৰ্ষণৰ অভিযোগত গ্ৰেপ্তাৰ বিজেপি নেতা, অৱসৰপ্ৰাপ্ত প্ৰধান শিক্ষক তথা গমিৰি গাঁও পঞ্চায়তৰ প্ৰাক্তন সভাপতি সোমনাথ আৰ্জেল।

তেওঁৰ বয়স সত্তৰ বছৰ৷ জানিব পৰা মতে, এই জঘন্য ঘটনা সংঘটিত কৰাৰ দুদিন পূৰ্বে লোকজনে পবিত্ৰ মহাকুম্ভত স্নান কৰি আহিছিল। কিন্তু মহাকুম্ভৰ পৰা অহাৰ পাছতেই তেওঁ সংঘটিত কৰে এই জঘন্য কাণ্ড। 

একেখন গাঁৱৰে এগৰাকী আঠ বছৰীয়া শিশুক ধৰ্ষণৰ অভিযোগ উত্থাপন হৈছে লম্পট সোমনাথ আৰ্জেলৰ বিৰুদ্ধে। সত্তৰ বছৰ ঊধ্বৰ লম্পট সোমনাথ অৰ্জেলে নাবালিকাগৰাকীক আমলখি খাবলৈ মাতি আনি তেওঁৰ নিজৰ ঘৰতে এই জঘন্য কাণ্ড সংঘটিত কৰে বুলি অভিযোগ নাবালিকাগৰাকীৰ পৰিয়ালৰ লোকৰ।

নিশা লম্পট সোমনাথ আৰ্জেলৰ ঘৰৰ চৌহদত দোষীক কৰায়ত্তৰ দাবীত প্ৰতিবাদমুখৰ হৈ পৰে ৰাইজ। অৱশেষত পৰিয়ালৰ লোকৰ এজাহাৰৰ ভিত্তিত লম্পট সোমনাথ আৰ্জেলক অন্য এঘৰত লুকাই থকা অৱস্থাত নিশাই আৰক্ষীৰ অপৰাধ শাখাৰ বিষয়া অমিত কুমাৰ হোজাই আৰু হেলেম আৰক্ষীৰ এটা দলে আটক কৰিবলৈ সক্ষম হয় ।

হেলেম আৰক্ষীয়ে ইতিমধ্যে নাবালিকাগৰাকীক চিকিৎসাৰ বাবে চিকিৎসালয়লৈ প্ৰেৰণ কৰে। স্থানীয় ৰাইজে লম্পট সোমনাথ অৰ্জেলক কঠোৰৰ পৰা কঠোৰতম শাস্তি দিয়াৰ দাবী তুলিছে।

Share This