আজি দেশজুৰি উদযাপন ৭৬সংখ্যক গণৰাজ্য দিৱস

Kakali Deka January 26, 2025

ডিজিটেল ডেস্ক : আজি গণৰাজ্য দিৱস।সমগ্ৰ দেশবাসীয়ে আজি পালন কৰিছে ৭৬সংখ্যক গণৰাজ্য দিৱস।গণৰাজ্য দিৱস ভাৰতবৰ্ষৰ এক ৰাষ্ট্ৰীয় উৎসৱ।১৯৫০ চনৰ ২৬ জানুৱাৰীৰ দিনটোত ভাৰতৰ সংবিধান গৃহীত হৈছিল। যাৰ বাবে সমগ্ৰ দেশে এই বিশেষ দিনটো গণৰাজ্য দিৱস হিচাপে পালন কৰি আহিছে।

প্ৰতিবছৰে গণৰাজ্য দিৱস উপলক্ষে দেশৰ বিভিন্ন প্ৰান্তত বহু অনুষ্ঠানৰ আয়োজন কৰা হয়। এইবাৰো ব্যতিক্ৰম নহয়। বিগত বৰ্ষৰ দৰে এইবাৰো ৰাজধানী দিল্লীৰ‌ লগতে দেশৰ বিভিন্ন প্ৰান্তত গণৰাজ্য দিৱসৰ কাৰ্যসূচী অনুষ্ঠিত হৈছে। আজিৰ দিনটোত দিল্লীৰ কৰ্তব্য পথত পতাকা উত্তোলন কৰে দেশৰ ৰাষ্ট্ৰপতি দ্ৰৌপদী মুৰ্মুৱে। লগতে ৰাষ্ট্ৰীয় যুদ্ধ স্মাৰকত শ্ৰদ্ধাঞ্জলি জ্ঞাপন কৰে প্ৰধানমন্ত্ৰী নৰেন্দ্ৰ মোদীয়ে।

আনহাতে, ২০২৫ বৰ্ষৰ গণৰাজ্য দিৱসৰ বিষয়বস্তু হৈছে "সোণালী ভাৰত ঐতিহ্য আৰু উন্নয়ন"। এইবাৰ গণৰাজ্য দিৱসৰ পেৰেডত মুখ্য অতিথি হিচাপে উপস্থিত থাকে ইণ্ডোনেছিয়া গণৰাজ্যৰ ৰাষ্ট্ৰপতি প্ৰবোও চুবিয়েণ্টো। 

তদুপৰি প্ৰতিবছৰৰ দৰে এইবাৰো গণৰাজ্য দিৱসত প্ৰদৰ্শন হ’ল ভিন্ন ৰাজ্যৰ প্ৰতীকপট৷ লগতে প্ৰদৰ্শন হ’ল দিল্লীৰ কৰ্তব্য পথত অসমৰ প্ৰতীকপটো ৷ য'ত উজলি উঠিল অসমৰ ঐতিহাসিক চৰাইদেউ মৈদাম, লগতে জিলিকি উঠিছে অসমৰ বিভিন্ন জনগোষ্ঠীয় নৃত্য, জাপি, গঁড় আদিৰ দৰে চহকী সংস্কৃতি। অসমৰ এই চহকী সংস্কৃতিসমূহ প্ৰদৰ্শিত হয় লালকিল্লাত।

Share This