৯০জন পাকিস্তানী সৈন্যক হত্যা

dainik janambhumi March 17, 2025

ডিজিটেল ডেস্ক : পাকিস্তানী সেনাৰ এটা কনভয়ত কৰা ফিজায়িনী আক্রমণত ৯০জন সৈনিক নিহত হোৱা বুলি বেলুচিস্তান লিবাৰেশ্যন আমিয়ে (বি এল এ) দাবী কৰিছে। কুৱেটাৰ পৰা কাফ্টানলৈ গৈ থকা পাকিস্তানী সেনাৰ ৮খন বাহনৰ কনভয়টোত বি এল এই আক্ৰমণ কৰে। 

বি এল এই কৰা দাবী মতে, সংগঠনটোৰ মজিদ আৰু ফতেহ বিগ্রেডে এই আক্রমণটো কৰে। সূত্ৰসমূহে জনোৱা মতে, এজন ফিদায়িনী আক্রমণকাৰীয়ে বিস্ফোৰকেৰে ভৰ্তি এখন গাড়ী পাকিস্তানী সেনাৰ কনভয়টোত খুন্দা মাৰে। ইয়াৰ পাছত বি এল এৰ ফতেহ স্কোৱাডে সেনাৰ দলটোত আক্ৰমণ কৰে। 

ফিদায়িনী আক্রমণ কৰা পাকিস্তান সেনাৰ বাহনখন সম্পূৰ্ণৰূপে ধ্বংস হয়। ইফালে পাকিস্তানী পুলিচে এই আক্রমণটোত পাকিস্তানী সেনাৰ ৫জন জোৱান নিহত হয় আৰু আন ১০জন আহত হোৱা বুলিহে দাবী কৰিছে।

Share This