ভিয়েটনামৰ হালং উপসাগৰত ভয়ংকৰ নাও দুর্ঘটনা

dainik janambhumi July 21, 2025

ডিজিটেল ডেস্কঃ ভিয়েটনামৰ হালং উপসাগৰত শনিবাৰে বিয়লি এখন পর্যটন নাৱে ৪৮জন পর্যটক আৰু পাঁচজন নাৱিকক কঢ়িয়াই লৈ গৈ অৱস্থাত সাগৰৰ পানীত কাটি হৈ পৰাত কমেও ৩৮জন লোকৰ মৃত্যু হয়। হালং উপসাগৰৰ পানীত এতিয়াও ৫জন লোক সন্ধানহীন হৈ আছে। ভিয়েটনামৰ চৰকাৰী সূত্ৰই প্ৰকাশ কৰা ।

অনুসৰি,উদ্ধাৰকাৰীসকলে বৰ্তমানলৈকে উদ্ধাৰ অভিযানত নিয়োজিত হৈ আছে। উপসাগৰীয় অঞ্চলটোলৈ বহুতো পৰ্যটকৰ আগমন ঘটে আৰু ইয়াৰ পূৰ্বে কেইবাটাও নাও দুর্ঘটনা সংঘটিত হৈছে যদিও এই নাও দুর্ঘটনাটো শেহতীয়া বছৰবোৰৰ তুলনাত সবাতোকৈ ভয়ংকৰ দুৰ্ঘটনা হিচাপে পৰিগণিত হৈছে। এতিয়ালৈকে ১০জন লোকক উদ্ধাৰ কৰা হৈছে। চৰকাৰী কর্তৃপক্ষই প্ৰকাশ কৰা অনুসৰি নিহতসকলৰ গোটেইখিনিয়ে ভিয়েটনামৰ বাসিন্দা আৰু অধিকাংশই শিশু। দক্ষিণ চীন সাগৰত বা-মাৰলী 'ৱাইফা'ই হালং উপসাগৰৰ দিশে গতি কৰাৰ পাছতেই শনিবাৰে বিয়লি প্রায় ২ বজাত নাও দুর্ঘটনাটো সংঘটিত হয়। সীমান্তৰক্ষী বাহিনী, বহুতো উদ্ধাৰকাৰীৰ দল উদ্ধাৰ কার্যত নিয়োজিত হৈ আছে। বর্তমান সাগৰ শান্ত হৈ পৰাত উদ্ধাৰকাৰী দলে ডুব যোৱা নাওখন উদ্ধাৰ কৰিবলৈ সক্ষম হৈছে।

Share This