আপে ছাত্ৰ -ছাত্ৰীৰ ভৱিষ্যতক লৈ হেতালি খেলিছে

Dainik janambhumi February 04, 2025

ডিজিটেল ডেস্কঃ দিল্লী বিধানসভাৰ নিৰ্বাচনলৈ মাজত মাত্ৰ কেইটামান ঘণ্টা  বাকী থকাৰ সময়তে প্রধানমন্ত্রী নৰেন্দ্ৰ মোদীয়ে সোমবাৰে দিল্লীৰ আপৰ চৰকাৰখনক এটা গুৰুতৰ বিষয় লৈ আক্ৰমণৰ লক্ষ্য কৰি লয়। 

এদল ছাত্ৰ-ছাত্ৰীৰ লগত মত বিনিময় কৰাৰ সময়ত প্রধানমন্ত্রী মোদীয়ে অভিযোগ কৰে যে চৰকাৰখনে নিজৰ প্ৰতিচ্ছবি জনসাধাৰণৰ মাজত অক্ষুণ্ণ ৰাখিবলৈ ব'ৰ্ডৰ পৰীক্ষাত উত্তীৰ্ণ হোৱাৰ নিশ্চিতি প্রদান কৰা ছাত্ৰ-ছাত্ৰীসকলকহে নৱম শ্ৰেণীৰ পৰা দশম শ্ৰেণীলৈ উত্তীর্ণ কৰে।

 প্রধানমন্ত্রী মোদীয়ে কয় যে দিল্লীত নৱম শ্ৰেণীত যিসকল ছাত্র-ছাত্রীয়ে দুর্বল প্রদর্শন আগবঢ়াই তেওঁলোকক দশম শ্ৰেণীলৈ উন্নীত কৰা নহয়। যিসকল ছাত্র-ছাত্রীয়ে ব'ৰ্ডৰ পৰীক্ষাত উত্তীর্ণ হ'ব বুলি নিশ্চিতি প্রদান কৰে, তেওঁলোককহে দিল্লী চৰকাৰে দশম শ্ৰেণীলৈ উন্নীত কৰে বুলি প্রধানমন্ত্রী মোদীয়ে অভিযোগ কৰে। 

দিল্লীৰ চৰকাৰৰ 'শিক্ষা মডেল' সফল হোৱাৰ বিষয়ত জাহিৰ কৰিবলৈ অৰবিন্দ কেজৰিৱালৰ আম আদমি পার্টিয়ে ছাত্ৰ-ছাত্ৰীৰ ভৱিষ্যতক লৈ হেতালি খেলিছে বুলি বিজেপিৰ শীর্ষ নেতাজনে অভিযোগ কৰে।

Share This