বিশ্বত AIৰ ক্ষেত্ৰত চতুৰ্থ স্থানত ভাৰত; ভাৰতৰ বাবে পেৰিছ AI সন্মিলন কিয় গুৰুত্বপূৰ্ণ ?   

Kakali Deka February 11, 2025

ডিজিটেল ডেস্কঃ পেৰিছ এআই সন্মিলনত ভাগ ল’বলৈ ফ্ৰান্সত উপস্থিত হৈছে ভাৰতৰ প্ৰধানমন্ত্ৰী নৰেন্দ্ৰ মোদী ৷ এই সন্মিলন ভাৰতৰ বাবে অতিকৈ গুৰুত্বপূৰ্ণ হিচাপে বিবেচিত হৈছে কূটনৈতিক মহলত ৷বিশ্বৰ ৯০খন ৰাষ্ট্ৰই অংশগ্ৰহণ কৰা এই পেৰিছ  এ আই সন্মিলনৰ উপাধ্যক্ষ হ’ব প্ৰধানমন্ত্ৰী মোদী ৷ এই সন্মিলনত এ আইক লৈ প্ৰস্তুত কৰা হ’ব কিছু নীতি-নিৰ্দেশনা, এ আইৰ বিকাশ আৰু প্ৰত্যাহ্বান সন্দৰ্ভতো আলোচনা কৰা হ’ব পেৰিছত অনুষ্ঠিত এই সন্মিলনত ৷

কিন্তু ভাৰতৰ বাবে পেৰিছ এ আই সন্মিলন কিয় গুৰুত্বপূৰ্ণ? 

এই সন্মিলনত উপাধ্যক্ষতা কৰিব ভাৰতৰ প্ৰধানমন্ত্ৰী নৰেন্দ্ৰ মোদীয়ে ৷ এ আইৰ ক্ষেত্ৰত বিশ্বৰ চতুৰ্থ স্থানত ভাৰত ৷ কৃত্ৰিম বুদ্ধিমত্তাৰ জৰিয়তে মানৱ সমাজৰ বিকাশ সাধন কৰাই হৈছে ভাৰতৰ মূলমন্ত্ৰ৷ এ আইৰ অপব্যৱহাৰ প্ৰতিৰোধ কৰাতো অগ্ৰাধিকাৰ দিব ভাৰতে ৷ফ্ৰান্স ভ্ৰমণ সামৰি প্ৰধানমন্ত্ৰী নৰেন্দ্ৰ মোদী উপস্থিত হ’ব আমেৰিকাত ৷ ড'নাল্ড ট্ৰাম্পৰ সৈতে ভাৰত- আমেৰিকাৰ সম্পৰ্ক শক্তিশালী কৰাৰ লগতে এ আইক লৈ বিভিন্ন চৰ্চা কৰিব প্ৰধানমন্ত্ৰী মোদীয়ে, যাৰ বাবে প্ৰধানমন্ত্ৰী মোদীৰ ফ্ৰান্স আৰু আমেৰিকা ভ্ৰমণ অতিকৈ গুৰুত্বপূৰ্ণ হিচাপে বিবেচনা কৰা হৈছে ৷

উৎস প্ৰাগ নিউজ ডিজিটেল
 

Share This