ভাৰতৰ বাবে সমস্যা সৃষ্টি কৰি আমেৰিকা মহান হ'ব নোৱাৰে

dainik janambhumi June 11, 2025

ডিজিটেল ডেস্কঃ আমেৰিকাৰ ড'নাল্ড ট্রাম্প প্রশাসনে ভাৰতৰ বাবে সমস্যাৰ সৃষ্টি কৰি দেশখনক মহান কৰিব নোৱাৰে। এই সতর্কবাণী শুনাইছে 'ৱাল স্ট্রীট জার্নেলে'। আমেৰিকাৰ বাতৰি কাকতখনে এই বুলি সতৰ্ক কৰি দিয়ে যে ট্রাম্প আৰু তেওঁৰ টীমে ভাৰতৰ ক্ষেত্ৰত অধিক ভাল কাম কৰিব পাৰে। ট্রাম্পৰ হোৱাইট হাউছলৈ প্রত্যাবর্তনক ভাৰতে।

এক ইতিবাচক দৃষ্টিভংগীৰে চাইছিল। কিন্তু বিশ্বৰ আটাইতকৈ গুৰুত্বপূর্ণ শক্তিত একাষৰীয়া কৰাটোৱে ট্রাম্প প্রশাসন আৰু আমেৰিকাৰ উপকাৰ সাধন নকৰে। বাতৰি কাকতখনে কয় যে এক গুৰুত্বপূর্ণ আন্তঃৰাষ্ট্ৰীয় সহযোগীৰ বাবে অনাবশ্যকভাবে সমস্যাৰ সৃষ্টি কৰি আমেৰিকাক পুনৰ মহান কৰিব নোৱাৰে। বাতৰি কাকতখনে কয় যে ট্রাম্পৰ দ্বিতীয় কাৰ্যকালৰ প্ৰথম পাঁচ মাহতে ভাৰতে আমেৰিকাৰ প্রতি আস্থা হেৰুৱাই পেলাইছে। বাতৰি কাকতখনে কয় যে ভাৰতক বিশ্বৰ এটা মহান শক্তিরূপে আমেৰিকাই ব্যৱহাৰ কৰাটো দেশখনে বিচাৰে।

আনহাতে পাকিস্তানক দ্বিতীয় বা তৃতীয় শ্ৰেণীৰ ৰাষ্ট্ৰ বুলি উল্লেখ কৰি কয় যে এই দেশখনে নিজৰ ব্যর্থতাক লৈ যুঁজ দি আছে। এনে অৱস্থাত আমেৰিকাই ভাৰতক পাকিস্তানৰ দৰে ব্যৱহাৰ কৰাটো নিবিচাৰে আৰু দেশখনৰ জনমতক সম্মান জনোৱাটো বিচাৰে। বাতৰি কাকতখনে এই প্রসংগত ভাৰতৰ সৈতে চলি থকা শুল্ক বিবাদৰ কথাও উল্লেখ কৰে।

Share This