তিনিদিনীয়া ভ্ৰমণসূচীৰে জন্মু-কাশ্মীৰত গৃহ মন্ত্ৰী অমিত শ্বাহ

dainik janambhumi April 08, 2025

ডিজিটেল ডেস্ক : কেন্দ্রীয় গৃহ মন্ত্রী অমিত শ্বাহে বিজেপিৰ বিধায়ক আৰু দলৰ জ্যেষ্ঠ নেতাসকলক আশ্বাস প্ৰদান কৰি কয় যে জম্মু অঞ্চলৰ সন্ত্রাসজৰ্জৰিত পৰিস্থিতি অতি সোনকালে নিয়ন্ত্রনলৈ অনা হ'ব। তেওঁ কয় যে উপযুক্ত সময়ত জম্মু-কাশ্মীৰক পূৰ্ণ ৰাজ্যৰ মৰ্যাদা পুনৰ প্ৰদান কৰা হ'ব। 

জন্মুৰ বিজেপিৰ মুখ্য কার্যালয়ত কেন্দ্রীয় মন্ত্রী ড° জিতেন্দ্ৰ সিঙৰ উপস্থিতিত হোৱা এখন বৈঠকত শ্বাহে এই কথা প্রকাশ কৰে। গৃহ মন্ত্ৰীগৰাকীয়ে তিনিদিনীয়া জম্মু-কাশ্মীৰ ভ্ৰমণসূচীৰে জম্মুত উপস্থিত হয়।' শ্বাহে সোমবাৰে কথুৱা জিলাৰ আন্তঃৰাষ্ট্ৰীয় সীমান্তত বি এছ এফৰ বিনয় আউটপ'ষ্ট পৰিদৰ্শন কৰি অঞ্চলটোৰ সামগ্রিক নিৰাপত্তা ব্যৱস্থা পৰ্যালোচনা কৰে। 

ইয়াৰ পিছতে তেওঁ জন্মুৰ ৰাজভৱনত শ্বহীদ আৰক্ষীৰ পৰিয়ালক সাক্ষাৎ কৰিব। যোৱা ২৩ মাৰ্চত কথুৱা জিলাত সন্ত্রাসবাদীৰ সৈতে যুঁজি চাৰিজন আৰক্ষী শ্বহীদ হৈছিল। বিয়লিৰ ভাগত তেওঁ শ্রীনগৰলৈ যায় আৰু শ্বাহে তাত আজি উন্নয়নমূলক প্রকল্পসমূহৰ বুজ লোৱাৰ লগতে এখন নিৰাপত্তা পর্যালোচনা বৈঠকতো ভাগ ল'ব।

Share This