বিপদত অনিল আম্বানি ! ১৭ হাজাৰ টকাৰ ঋণ জালিয়াতিৰ প্ৰসংগত ইডিয়ে প্ৰেৰণ কৰিলে চমন

Rashmi August 02, 2025

ডিজিটেল ডেস্ক : ৰিলায়েন্স গ্ৰুপৰ অধ্যক্ষ তথা পৰিচালন সঞ্চালক অনিল আম্বানিৰ এতিয়া বিপদত । অনিল আম্বানিলৈ ইডিয়ে প্ৰেৰণ কৰিলে চমন । অহা ৫ আগষ্টত দিল্লীৰ ইডি কাৰ্যালয়ত সোধা-পোছাৰ বাবে হাজিৰ হ’বলৈ কোৱা হৈছে অনিল আম্বানিক । ইডিৰ দলে তেওঁৰ ঘৰ আৰু ব্যাৱসায়িক স্থানত অভিযান চলাই বহু গুৰুত্বপূৰ্ণ নথি জব্দ কৰিছে।

আচলতে ১৭০০০ কোটি টকাৰ ঋণ জালিয়াতিৰ গোচৰৰ তদন্তৰ সৈতে জড়িত অনিল আম্বানিক জেৰাৰ বাবে চমন প্ৰেৰণ কৰা হৈছে। এই ক্ষেত্ৰত অনিল আম্বানিৰ বিপদ আৰু বাঢ়িব পাৰে বুলি ধাৰণা কৰা হৈছে। এনে পৰিস্থিতিত তেওঁ ইডিৰ আগত হাজিৰ হ’ব নে নাই সেয়া হ’ব লক্ষ্যণীয়।

এই বিষয়টো কোনটো গোচৰৰ সৈতে জড়িত?

১৭০০০ কোটি টকাৰ ঋণ জালিয়াতিৰ গোচৰত অনিল আম্বানিৰ বিৰুদ্ধে ধাৰাবাহিকভাৱে ব্যৱস্থা গ্ৰহণ কৰি আছে ইডিয়ে। তদন্তকাৰী সংস্থাটোৱে এই গোচৰত ধন সৰবৰাহৰ প্ৰতিৰোধ আইনৰ অধীনত ব্যৱস্থা গ্ৰহণ কৰিছে। যোৱা সপ্তাহত ইডিয়ে ৰিলায়েন্স গ্ৰুপৰ ৫০টা স্থান আৰু ২৫জন ব্যক্তিৰ স্থানত অভিযান চলাইছিল।

যোৱা ২৪ জুলাইত চলোৱা অভিযানত ঋণ জালিয়াতিৰ বাহিৰেও একাংশ কোম্পানীয়ে কোটি কোটি টকাৰ আৰ্থিক অনিয়মৰ আন কেইবাটাও অভিযোগ উত্থাপন হৈছিল।

এই গোচৰত চি বি আয়ে ২টা এফ আই আৰ পঞ্জীয়ন কৰিছিল, তাৰ পিছত ইডিয়ে অভিযান চলাইছিল। ইডিৰ সূত্ৰই জনোৱা মতে, এই তদন্ত মূলতঃ ২০১৭-২০১৯ চনৰ ভিতৰত অনিল আম্বানিৰ কোম্পানীসমূহক য়েছ বেংকে দিয়া অবৈধ ঋণ ডাইভাৰচনৰ অভিযোগৰ সৈতে জড়িত।

অভিযোগ অনুসৰি অনিল আম্বানিৰ কোম্পানীক ঋণ দিয়াৰ পূৰ্বে য়েছ বেংকৰ প্ৰমোটাৰসকলে তেওঁলোকৰ ব্যৱসায়ত বিপুল ধন লাভ কৰিছিল।

উৎস : প্ৰাগ নিউজ ডিজিটেল

ট্ৰাম্পে ভাৰতক ‘মৃত অৰ্থনীতি’ বুলি অভিহিত কৰাৰ পাছত প্ৰত্যুত্তৰ প্ৰধানমন্ত্ৰী মোদীৰ