আইফ'নৰ পৰা ঘড়ীলৈকে সকলোতে উপলব্ধ হ’ব Apple AI Doctor ; কেতিয়া মুকলি কৰা হ’ব এই এপ? 

Rashmi March 31, 2025

ডিজিটেল ডেস্কঃ এপলে পুনৰবাৰ আৰ্টিফিচিয়েল ইণ্টেলিজেন্স (এ আই)ৰ ওপৰত এটা বৃহৎ প্ৰস্তুতি চলাইছে। প্ৰতিবেদন অনুসৰি কোম্পানীটোৱে নিজৰ স্বাস্থ্য এপটো সম্পূৰ্ণৰূপে নতুনকৈ ডিজাইন কৰাৰ লগতে ইয়াত ‘এ আই ডাক্তৰ’ৰ দৰে বৈশিষ্ট্য সংযোজন কৰাৰ পৰিকল্পনা কৰিছে। এপলৰ চি ই অ’ টিম কুকে বিশ্বাস কৰে যে কোম্পানীটোৱে স্বাস্থ্যসেৱা খণ্ডত ডাঙৰ অৱদান আগবঢ়াব পাৰে।

এপলৰ ‘এ আই ডাক্তৰ’ৰ কাম কি?

ব্লুমবাৰ্গৰ এক প্ৰতিবেদন অনুসৰি এপলে ‘প্ৰজেক্ট মালবেৰী’ৰ কাম কৰি আছে, যাৰ অধীনত হেল্থ এপত এ আই ভিত্তিক স্বাস্থ্য প্ৰশিক্ষক সংযোজন কৰা হ’ব। এই এ আই এজেণ্টে ব্যৱহাৰকাৰীৰ স্বাস্থ্যৰ তথ্য বিশ্লেষণ কৰি তেওঁলোকক উপযুক্ত পৰামৰ্শ দিব, যিটো চিকিৎসকৰ প্ৰাৰম্ভিক বিশ্লেষণৰ দৰেই হ’ব। নতুন হেল্থ এপটোৱে আইফ'ন, এপল ৱাটচ, ইয়াৰবাড আৰু অন্যান্য ডিভাইচৰ পৰা ডাটা ল’ব। তাৰ পিছত এ আয়ে এই তথ্য ব্যৱহাৰ কৰি ব্যৱহাৰকাৰীৰ স্বাস্থ্য উন্নত কৰিবলৈ ব্যক্তিগতকৃত পৰামৰ্শ প্ৰদান কৰিব।

প্ৰতিবেদন অনুসৰি এপলৰ এ আই এজেণ্টে বৰ্তমান কোম্পানীটোৰ নিজা চিকিৎসকৰ তথ্যৰে প্ৰশিক্ষণ লৈ আছে আৰু অতি সোনকালে ইয়াৰ ভিতৰত বহিঃচিকিৎসককো অন্তৰ্ভুক্ত কৰা হ’ব। কেলিফৰ্নিয়াৰ অকলেণ্ডত এপলে মুকলি কৰিছে এটা নতুন ষ্টুডিঅ’, য’ত চিকিৎসকে ভিডিঅ’ কন্টেন্ট ৰেকৰ্ড কৰিব পাৰিব। লগতে কোম্পানীটোৱে বিচাৰিছে এজন মহান ডাক্তৰ, যি এপটোৰ মুখ্য হ’ব পাৰে।

কেতিয়া মুকলি হ’ব এ আই ডাক্তৰ?

প্ৰতিবেদন অনুসৰি এই নতুন স্বাস্থ্য এপটো iOS 19.4 ৰ সৈতে আহিব পাৰে বুলি ধাৰণা কৰা হৈছে। WWDC 2025 ত iOS 19 ঘোষণা কৰা হ’ব আৰু 2025 চনৰ ছেপ্টেম্বৰ মাহত iPhone 17 ৰ সৈতে আপডেট আহিব বুলি আশা কৰা হৈছে।এপলে AI ৰ ওপৰত ডাঙৰ বাজি লৈছে, তথাপি কোম্পানীটোৱে এতিয়াও গুগল আৰু ছেমচাঙৰ দৰে প্ৰতিদ্বন্দ্বী কোম্পানীসমূহৰ দৰে দ্ৰুতগতিত বৈশিষ্ট্য যোগ কৰিব পৰা নাই।

উৎস: প্ৰাগ নিউজ ডিজিটেল

Share This