এছিয়া কাপ পাকিস্তানলৈ, সতর্কবাণী ভাৰতৰ অধিনায়কৰ

dainik janambhumi September 10, 2025

ডিজিটেল ডেস্কঃ ভাৰতে এছিয়া কাপ নিজৰ হাতত ৰখাৰ কাৰণে প্রস্তুতি পূর্ণগতিত চলাই আছে। ভাৰতৰ অধিনায়ক সূর্যকুমাৰ যাদৱে মঙলবাৰে পাকিস্তানকে ধৰি প্রতিযোগিতাত অংশগ্রহণ কৰা সকলো দলকে সকীয়াই দিয়ে। সূর্যকুমাৰে কয় যে ভাৰতে প্রতিযোগিতাত আক্রমণাত্মক খেল খেলিব। 

এছিয়া কাপ ক্রিকেট প্রতিযোগিতা আৰম্ভ হোৱাৰ আগে আগে মঙলবাৰে সুৰ্যকুমাৰে কয়, ভাৰতে খেলপথাৰত নমাৰ সময়ত সদায় আক্রমণাত্মক ৰূপ লয়। তেওঁ কয় যে আক্রমণাত্মক ৰূপ নোলোৱাকৈ ক্রিকেট খেলিব নোৱাৰি। তেওঁ লগতে কয় যে ভাৰতে ২ জুনৰ পাছত বৰ বেছি টি-২০ মেচ খেলা নাই। কিন্তু আই পি এলত দেখুওৱা প্রদর্শন আৰু শেহতীয়াকৈ কৰা নেট অনুশীলনৰ জৰিয়তে ভাৰতীয় দলৰ খেলুৱৈসকল সম্পূর্ণৰূপে প্রস্তুত হৈ আছে। তেওঁ কয়, 'আমি প্রত্যাহ্বান গ্রহণ কৰিছোঁ। এইবাৰ কি হয় দেখা যাওক।' প্রতিযোগিতাত ভাৰতৰ কৌশল সলনি হ'ব নেকি বুলি সোধা প্রশ্নৰ উত্তৰত সূর্যকুমাৰে কয়, 'বর্তমান সকলো ঠিকেই চলি আছে, কোনো উদ্দেশ্য নথকাকৈ কিয় আঙুলি ঢোঁৱাব লাগে।' অর্থাৎ সকলো ঠিকে চলি থকা অৱস্থাত কৌশল সলনিৰ প্ৰয়োজন আছে জানো? মন কৰিবলগীয়া যে ভাৰতীয় টি-২০ দলৰ অধিনায়ক হিচাপে সূর্যকুমাৰৰ এইখনেই প্রথম প্রতিযোগিতা হ'ব। পাকিস্তানৰ বিৰুদ্ধে ভাৰতৰ আক্রমণাত্মক কৌশলৰ কোনো ধৰণৰ সালসলনি হ'ব নেকি বুলি সাংবাদিকে সোধা প্ৰশ্নৰ উত্তৰত সূর্যকুমাৰে কয়, 'খেলপথাৰত ভাৰত সদায় আক্রমণাত্মক হৈ খেলে।

আপুনি জয়ী হ'বলৈ হ'লে ইয়াৰ অবিহনে একো কৰিব নোৱাৰে।' ইফালে ভাৰতৰ বিৰুদ্ধে আক্রমণাত্মক খেল খেলিব নেকি বুলি পাকিস্তানৰ অধিনায়ক চলমান আগাক সোধাত তেওঁ কয়, 'কোনোবাই আক্রমণাত্মক খেল খেলিবলৈ বিচাৰিলে সেইটো তেওঁলোকৰ নিজৰ কথা। মোৰ দলৰ ক্ষেত্রত মই কোনো খেলুৱৈকে কোনো ধৰণৰ নীতি-নির্দেশ দিয়া নাই।' সূর্যকুমাৰে কয় যে এছিয়া কাপত শ্রেষ্ঠ দলসমূহৰ বিৰুদ্ধে খেলাটো প্ৰত্যাহ্বানমূলক হ'ব। কাইলৈৰ মেচৰ প্রতিদ্বন্দ্বী সংযুক্ত আৰব আমিৰাটৰ প্রসংগত তেওঁ কয় যে দলটোৱে ভাল খেলি আছিল ।

Share This