অসমীয়া গহনালৈ জি আই টেগ

dainik janambhumi April 03, 2025

ডিজিটেল ডেস্কঃ  বাপতিসাহোন বহাগ বিহুৰ পূৰ্বে অসমবাসীৰ বাবে সুখবৰ। এইবাৰ অসমীয়া গহনাই লাভ কৰিলে জি আই টেগ। অসমীয়া ঐতিহ্য-সংস্কৃতিৰ সৈতে অংগাংগীভাৱে জড়িত অসমীয়া গহনাক ভৌগোলিক সূচকাংক অর্থাৎ জি আই টেগৰ স্বীকৃতি প্রদান কৰাৰ কথা আজি ঘোষণা কৰা হৈছে।

অসমবাসীলৈ গৌৰৱ কঢ়িয়াই অনা এই বতৰা ৰাজহুৱা কৰি মুখ্যমন্ত্ৰী ড° হিমন্ত বিশ্ব শর্মাই কয়, 'মোৰ আজিও মনত আছে ২০১৮-১৯ বৰ্ষৰ বাজেট উত্থাপনত আমাৰ শিল্পীসকলৰ সুৰক্ষা আৰু স্বীকৃতিৰ প্ৰতি লক্ষ্য ৰাখি ইয়াৰ বাবে আমি প্রস্তাৱ গ্ৰহণ কৰিছিলোঁ। আমাৰ এই প্রস্তাবে আজি ন্যায্যতা পোৱাত সুখী অনুভৱ কৰিছোঁ। অসমীয়া গহনা উদ্যোগৰ সৈতে জড়িত আটাইলৈ তথা অসমবাসীলৈ এই গৌৰৱময় মুহূৰ্তত আন্তৰিক অভিনন্দন জ্ঞাপন কৰিছোঁ।'

উল্লেখযোগ্য যে ইয়াৰ পূৰ্বে তেজপুৰৰ লিচু, কাৰ্বি আংলঙৰ আদা, জহা চাউল, বোকা চাউল, চকোৱা চাউল, অর্থডক্স টী, কাজি নেমু, অসমীয়া জাপি, আশাৰীকান্দিৰ পুতলা শিল্প, কাঁহ শিল্প, মাজুলীৰ মুখা শিল্প, জুডিমা, গামোচা, আৰণাই, জৌ গৈৰাণ, মাইব্রা, জৌ বিদৈ, জৌ গিচি আৰু নামফাই জি আই টেগ লাভ কৰিছে।

Share This