টিলাপাৰা বজাৰত অট' ভাৰাক লৈ সৃষ্টি কুৰুক্ষেত্ৰৰ  

Kakali Deka March 31, 2025

ডিজিটেল ডেস্কঃ ঈদৰ আনন্দ-উলাহৰ মাজত বিলাসীপাৰাত সংঘটিত হৈছে ভয়ংকৰ মাৰপিটৰ ঘটনা। টিলাপাৰা বজাৰত অট' ভাৰাক কেন্দ্ৰ কৰি সৃষ্টি হয় কুৰুক্ষেত্ৰৰ।  


মাৰপিটত গুৰুতৰভাৱে আহত হয় এজন লোক। সামান্য অট' ভাৰাক লৈ  চিৰাকুটা আৰু টিলাপাৰাৰ লোকৰ মাজত সৃষ্টি হৈছিল এই ভয়ংকৰ মাৰপিটৰ ঘটনাটো। সংকটজনক অৱস্থাত এজনক চাপৰৰ চিকিৎসালয়লৈ প্ৰেৰণ কৰিছে স্থানীয় ৰাইজে। 


এই মাৰপিটৰ ঘটনাত আঘাতপ্ৰাপ্ত হৈছে দুয়োপক্ষৰ কেইবাজনো লোক। সংকটজনক অৱস্থাত থকা ব্যক্তিজনৰ নাম আজিবৰ হুছেন বুলি জানিব পৰা গৈছে।  আজিবৰৰ ঘৰ আলুভূইৰ তিনটিলাত। 


এই ঘটনাৰ পাছত উত্তেজিত ৰাইজে ভাঙি চূৰমাৰ কৰিছে ভাৰা লৈ বিতৰ্কৰ সৃষ্টি হোৱা অট'খন। এই ভয়ংকৰ মাৰপিটৰ ঘটনাত জড়িত থকাৰ অভিযোগত তিনিজনক আটক কৰিছে শালকোচা আৰক্ষীয়ে।

Share This