বৰুণক ৰুধিবলৈ নিউজিলেণ্ডৰ বিশেষ প্ৰস্তুতি

dainik janambhumi March 08, 2025

ডিজিটেল ডেস্ক: নিউজিলেণ্ডৰ প্ৰশিক্ষক গেৰী ষ্টেডে স্বীকাৰ কৰে যে দেওবাৰে চেম্পিয়নছ ট্ৰফীৰ ফাইনেলত দলে ভাৰতৰ স্পীন চাঞ্চল্য বৰুণ চক্ৰৱৰ্তীৰ তীব্ৰ প্ৰত্যাহ্বানৰ সন্মুখীন হ'ব পাৰে। বৰুণক ৰুধিবলৈ কিৱি বাহিনীয়ে কোনো সুৰুঙা নৰখাকৈ বিশেষ প্রস্তুতি চলাইছে বুলি প্রশিক্ষক ষ্টেডে জানিবলৈ দিছে। নিউজিলেণ্ডে দেওবাৰে ভাৰতৰ বিৰুদ্ধে চেম্পিয়নছ ট্ৰফীৰ ফাইনেল খেলিব। 

বৰুণে কেৰিয়াৰৰ দ্বিতীয়খন এদিনীয়াত চলিত প্রতিযোগিতাখনৰ গ্ৰুপ লীগত নিউজিলেণ্ডৰ ইনিংছত ৪২ ৰান খৰচ কৰি দখল কৰিছিল ৫টা উইকেট। গ্ৰুপ লীগৰ সেই খেলখনত বৰুণে দাঙি ধৰা দুৰন্ত প্ৰদৰ্শনৰ স্মৃতি এতিয়াও সজীৱ হৈ আছে কিৱি বাহিনীৰ শিবিৰত। আনহাতে, অষ্ট্ৰেলিয়াৰ বিৰুদ্ধে ছেমি ফাইনেলত বৰুণে ৪৯ ৰানত পাইছিল দুটা উইকেট। ফাইনেলতো ভাৰতীয় শিবিৰৰ অন্যতম তৰুণ তামিলনাডুৰ স্পীনাৰগৰাকী। নিউজিলেণ্ডে ভালদৰেই অৱগত যে ফাইনেলতো বৰুণে তেওঁলোকক সমস্যাত পেলাব পাৰে। তাকে লৈ নিউজিলেণ্ড সতর্ক হৈ আছে। 

নিউজিলেণ্ডৰ প্রশিক্ষক ষ্টেডে গুৰুত্ব দিছে বৰুণক। ষ্টেডে কয়, 'আমাৰ বিৰুদ্ধে ৪২ ৰানত ৫টা উইকেট দখল কৰিছিল বৰুণে। আশা কৰিছোঁ ফাইনেলত তেওঁ খেলিব। বৰুণ খুব ভাল বলাৰ। আমাৰ বিৰুদ্ধে অন্তিম খেলখনত তেওঁ নিজৰ দক্ষতা প্ৰকাশ কৰিছে। নিশ্চিতভাৱেই বৰুণৰ ওপৰত দৃষ্টি ৰাখিব লাগিব। তেওঁৰ বলিঙৰ বিৰুদ্ধে মোকাবিলা কৰিবলৈ উপায় উলিয়াবই লাগিব। তেওঁৰ বিৰুদ্ধে ৰান তুলিবলৈ বিশেষ ৰণ-কৌশল প্ৰস্তুত কৰাৰ প্ৰয়োজন আছে।

Share This