মাটিকাদুৰিৰ নানা উপকাৰী গুণ

Rashmi July 12, 2025

ডিজিটেল ডেস্কঃ  মাটিকাদুৰি হ’ল এবিধ ঔষধি গুণেৰে পৰিপুষ্ট শাক। মাটিকাদুৰি উদ্ভিদ বিধ চোতালত, খেতিপথাৰ, পুখুৰী পাৰত, ঘৰৰ পিৰালি, ৰাস্তাৰ কাষত, বাগিচা, নদী কাষৰীয়া অঞ্চল আৰু চেচুক ঠাইবোৰত গজে। মাটিকাদুৰিৰ অনেক উপকাৰী গুণ আছে। মাটিকাদুৰিত প্ৰটিন , কেলছিয়াম , আইৰণ , ফচফৰাছ , এণ্টিঅক্সিডেণ্ট , আঁহ আদি ভৰপূৰ মাত্ৰাত পোৱা যায়। 

মাটিকাদুৰিৰ গুণাগুণসমূহ

১) মাটিকাদুৰিয়ে প্ৰস্ৰাৱৰ সময়ত হোৱা জলা-পোৰা নিৰাময় কৰে।

২)  জণ্ডিছ ৰোগত মাটিকাদুৰি উপকাৰী। 

৩) ছাল , চুলিৰ সৌন্দৰ্য বৰ্ধনৰ কাৰনে মাটিকাদুৰী উপকাৰী । ইয়াত প্ৰচুৰ পৰিমাণে এণ্টিঅক্সিডেণ্ট থাকে।

৪) চকুৰ দৃষ্টি শক্তি কমি যোৱা সমস্যাত মাটকাদুৰী শাক খালে সুফল পোৱা যায়।

৫) নিদ্ৰাহীনতাত ভোগা লোকেও নিয়মিত মাটিকাদুৰী আৰু মানিমুনি মিহলি আঞ্জা খালে উপকৃত হয়।

৬) এচি়ডিটি নিষ্ক্ৰিয় কৰিব পৰা ক্ষমতা আছে মাটিকাদুৰীৰ। 

৭)  আভোক হ'লে মাটি কাদুৰী , নহৰু দি আঞ্জা কৰি খালে ভোক লাগে , লিভাৰ সবল হয় ।

৮)  কোষ্ঠকাঠিন্য আৰু অৰ্শ ৰোগত মাটিকাদুৰী উপকাৰী । 

৯)  পেটৰ বিষ , ডায়েৰিয়া , গ্ৰহণী আদি ৰোগত মাটিকাদুৰী অতি উপকাৰী ।

১০)  ডায়েবেটিছ ৰোগীয়ে মাজে-সময়ে মাটিকাদুৰী খালে ব্লাড ছুগাৰ নিয়ন্ত্ৰণত থাকে । 

১১)  মাটিকাদুৰীয়ে স্নায়ুতন্ত্ৰৰ কাৰ্যক্ষমতা বৃদ্ধি কৰে , স্মৰণ শক্তি বৃদ্ধি কৰে আৰু স্নায়ুতন্ত্ৰৰ বিভিন্ন ৰোগ উপশম কৰে । 

১২) গাত দুৰ্বল ভাব আহিলে মাটিকাদুৰীৰ আঞ্জা প্ৰায় এসপ্তাহ মান ভাতৰ লগত খালে তেনে ভাৱ নাইকিয়া হয় ।

১৩) ইয়াত থকা আঁহে পেট খোলোচা কৰে।

উৎস : প্ৰাগ নিউজ ডিজিটেল

Share This