দিছপুৰত আৰক্ষীৰ জালত আন্তঃৰাষ্ট্ৰীয় গাড়ী চুৰি চক্ৰ 

Kakali Deka March 05, 2025

ডিজিটেল ডেস্কঃ দিছপুৰ আৰক্ষীৰ জালত আন্তঃৰাষ্ট্ৰীয় গাড়ী চুৰি চক্র। মেঘালয়ৰ ইষ্ট খাচী হিলচৰ পৰা উদ্ধাৰ চাৰিখনকৈ চুৰি বাইক।

অসমৰ পৰা চুৰি হোৱা বাইককেইখন বাংলাদেশলৈ সৰবৰাহৰ চেষ্টা কৰিছিল চক্ৰটোৱে। মেঘালয় হৈ বাংলাদেশ সীমান্তৰে বাইককেইখন সৰবৰাহ কৰিব চেষ্টা কৰিছিল চক্রটোৱে।

চোৰাং বাইকসহ তিনি কুখ্যাত বাইক চোৰ জালত পৰে দিছপুৰ আৰক্ষীৰ৷

আৰক্ষীৰ জালত পৰা কুখ্যাত সৰবৰাহকাৰীকেইটা হ'ল চাদ্দাম খান, ৰফিকুল আলী আৰু চাইফুল আলী।

আনহাতে, আৰক্ষী যোৱাৰ উমান পাই চক্ৰটোৰ কেইবাটাও পলাবলৈ সক্ষম হয়।

গুৱাহাটীৰ পৰা পৰা কেনেকৈ বাইক চুৰি কৰা হয়, সেই সন্দৰ্ভত বাইক চোৰকেইটাই দিলে বিস্ফোৰক স্বীকাৰোক্তি।

লাষ্টগে'টৰ পৰা চক্ৰটোৱে বাইক চুৰি কৰি লৈ গৈছিল শ্বিলঙলৈ।

শ্বিলঙৰ আলম নামৰ এজনক কেইটামান টকাৰ বিনিময়ত চুৰি গাড়ী চমজাই দিয়ে চক্ৰটোৱে। শ্বিলঙৰ পৰা ডাউকী হৈ বাংলাদেশলৈ লৈ যোৱা হয় চুৰি গাড়ী।

মাত্র ২০-৩০ হাজাৰ টকাত একোখন বিলাসী বাইক বিক্ৰী কৰি দিয়ে চক্ৰটোৱে।

 

উৎসঃ প্ৰাগ নিউজ ডিজিটেল

Share This