আলু বিক্ৰেতাৰ ৰূপত মন্ত্ৰী বিমল বড়া ।

Rashmi March 16, 2025

ডিজিটেল ডেস্ক ঃ হয়, এক ব্যতিক্ৰমী ৰূপত দেখা গ'ল মন্ত্ৰী বিমল বড়াক। মৰাণৰ দেওবৰীয়া বজাৰত আলু বেপাৰীৰ ৰূপত দেখা গ'ল মন্ত্ৰীগৰাকীক।হাতত দগা-পাল্লা লৈ আলু বিক্ৰী কৰা মন্ত্ৰীগৰাকীৰ পৰা আলু কিনিবলৈ আহিছে বিভিন্ন গ্ৰাহক। কুইণ্টলে কুইণ্টলে আলু লৈ বজাৰখনত বহিছে মন্ত্ৰী বিমল বড়া ।

উল্লেখযোগ্য যে টিংখাঙৰ বিধায়ক তথা মন্ত্ৰী বিমল বড়াৰ পৃষ্ঠপোষকতাত গঢ় লৈ উঠা দিহিংচাং বহুমুখী সমবায় সমিতি লিমিটেডৰ উদ্যোগত বিগত বৰ্ষত পেপছিকো ইণ্ডিয়া হল্ডিং প্ৰাইভেট লিমিটেডৰ সহযোগত টিংখাং সমষ্টিত পৰীক্ষামূলকভাৱে নতুন পদ্ধতিৰে আলুখেতিৰ কাম আৰম্ভ হৈছিল । ZERO TILLAGE পদ্ধতিৰে কৰা হৈছে জৈৱিক আলু খেতি। সমিতিখনে প্ৰায় ৭বিঘা মাটিত কৰিছিল কোফ্ৰী জ্যোতি নামৰ আলুৰ খেতি। কৃষকসকলক আলু খেতিৰ প্ৰতি আগ্ৰহী কৰাৰ উদ্দেশ্যে এই পদক্ষেপ গ্ৰহণ কৰিছে মন্ত্ৰীগৰাকীয়ে। 

আনহাতে এই বাণিজ্যিক ভিত্তিত আলুখেতিয়ে প্ৰত্যক্ষ আৰু পৰোক্ষভাৱে ৪ শতাধিক লোকক কৰ্মসংস্থাপন দিবলৈ সক্ষম হৈছে । তাৰ মাজতে মন্ত্ৰীগৰাকীয়ে জৈৱিক পদ্ধতিৰে আলু খেতি কৰাত গুৰুত্ব প্ৰদান কৰিছে । জৈৱিক পদ্ধতিৰে কৰা আলুখেতিৰ প্ৰতি কৃষকক আগ্ৰহী কৰাৰ বাবে দেওবাৰে পুৱাই কুইণ্টলে কুইণ্টলে আলু লৈ মৰাণৰ দেওবৰীয়া বজাৰলৈ ওলাই আহিল মন্ত্ৰী বিমল বড়া ।বজাৰত বিমল বড়াক সংগ দিয়ে কৃষি বিষয়াৰ লগতে দলীয় কৰ্মীয়ে।

Share This