কেন্দ্ৰীয় বাজেটত ক্ৰীড়াৰ বাবে ৩৭৯৪.৩০ কোটি টকা

dainik janambhumi February 02, 2025

ডিজিটেল ডেস্ক: কেন্দ্ৰীয় বাজেটত ক্রীড়া খণ্ডৰ বাবে ধনৰ আবণ্টন বৃদ্ধি পাইছে। কেন্দ্রীয় বিত্ত মন্ত্রী নির্মলা সীতাৰমণে ২০২৪-২৫ বিত্তীয় বৰ্ষৰ তুলনাত ২০২৫-২৬ বিত্তীয় বৰ্ষৰ বাবে ক্রীড়া আৰু যুৱ কল্যাণ খণ্ডৰ বাবে ৩৫১.৯৮ কোটি টকা অতিৰিক্ত আবণ্টনৰ প্ৰস্তাৱ আগবঢ়াইছে। কেৱল খেল' ইণ্ডিয়াৰ বাবে ২০০ কোটিৰো অধিক ধন আবণ্টনৰ প্ৰস্তাৱ দিয়া হৈছে। 

সীতাৰমণে ক্রীড়া আৰু যুৱ কল্যাণ খণ্ডৰ বাবে মুঠ বাজেট আবণ্টন ৩৭৯৪.৩০ কোটি টকাৰ প্ৰস্তাৱ আগবঢ়াইছে। আগন্তুক বিত্তীয় বর্ষত দেশত কোনো ডাঙৰ টুর্নামেন্ট অনুষ্ঠিত নহয় যদিও ক্ৰীড়াৰ ওপৰত অধিক গুৰুত্ব দি আবণ্টন বৃদ্ধি কৰা হৈছে। ইয়াৰ ভিতৰত ৰাষ্ট্ৰীয় ক্রীড়া ফেডাৰেশ্যনৰ বাবে ৪ বিলিয়ন টকা আবণ্টন দিয়াৰ প্ৰস্তাৱ আছে।

 চলিত বিত্তীয় বৰ্ষৰ বাবে আবণ্টন আছিল ৩৪০ কোটি টকা। কেন্দ্রীয় বিত্ত মন্ত্ৰীয়ে ভাৰতক ক্রীড়া প্ৰাধিকৰণৰ বাবে ৮৩০ কোটি টকা আবণ্টন দিয়াৰ প্ৰস্তাৱ দিছে। যিটো পূৰ্বৰ বাজেটত আছিল ৮১৫ কোটি টকা। এই ধন ৰাষ্ট্ৰীয় শিবিৰৰ খেলুৱৈৰ প্ৰস্তুতি আৰু বিভিন্ন খেলৰ প্ৰশিক্ষণৰ বাবে ব্যয় কৰা হ'ব।

Share This