কিয় RCBৰ অধিনায়ক নহ’ল বিৰাট কোহলী? জানো আহক ইয়াৰ আঁৰৰ কাহিনী 

Kakali Deka February 15, 2025

ডিজিটেল ডেস্কঃ আই পি এল ২০২৫ ছিজনৰ পূৰ্বে ৰয়েল চেলেঞ্জাৰ্ছ বেংগালুৰুৰ অধিনায়ক হিচাপে নিযুক্তি দিয়ে ৰজত পাটিদাৰক। আচলতে বিৰাট কোহলীয়ে পুনৰবাৰ ৰয়েল চেলেঞ্জাৰ্ছ বেংগালুৰুৰ দায়িত্ব ল’ব পাৰে বুলি বিশ্বাস কৰা হৈছিল যদিও দল পৰিচালনা সমিতিয়ে ৰজত পাটিদাৰৰ ওপৰত আস্থা প্ৰকাশ কৰিছে। 

অৱশ্যে ভাৰতৰ প্ৰাক্তন ক্ৰিকেটাৰ কৃষ্ণমচাৰী শ্ৰীকান্তে বিৰাট কোহলী আৰু ৰয়েল চেলেঞ্জাৰ্ছ বেংগালুৰুৰ নতুন অধিনায়কক লৈ নিজৰ প্ৰতিক্ৰিয়া প্ৰকাশ কৰে। কৃষ্ণমচাৰী শ্ৰীকান্তৰ মতে বিৰাট কোহলী ৰয়েল চেলেঞ্জাৰ্ছ বেংগালুৰুৰ অধিনায়ক হোৱা নাছিল, সেয়া তেওঁৰ নিজৰ সিদ্ধান্ত। 

'মই ভাবোঁ বিৰাটে অধিনায়কত্বৰ বাবে এইজন খেলুৱৈক বাছি লৈছে...'

কৃষ্ণমচাৰী শ্ৰীকান্তে কয় যে ৰয়েল চেলেঞ্জাৰ্ছ বেংগালুৰুৰ অধিনায়ক হিচাপে ৰজত পাটিদাৰক নিযুক্তি দিয়া হৈছে। বিৰাট কোহলীয়ে নিশ্চয় এই সিদ্ধান্তক সমৰ্থন কৰিছিল। কিন্তু বিৰাট কোহলীয়ে নিজেই অধিনায়ক হ’বলৈ অস্বীকাৰ কৰে। এতিয়া প্ৰশ্ন হয় বিৰাট কোহলীয়ে কিয় অধিনায়কত্ব নাকচ কৰিলে? এই সন্দৰ্ভত কৃষ্ণমচাৰী শ্ৰীকান্তৰ মতে বিৰাট কোহলীয়ে নিজৰ বেটিঙত মনোনিৱেশ কৰিব বিচাৰিছে। সেয়েহে তেওঁ অধিনায়ক বিৰত থাকিবলৈ সিদ্ধান্ত লৈছিল। ইয়াৰ পিছতে অধিনায়কত্ব লাভ কৰিছে যুৱক ৰজত পাটিদাৰে। কৃষ্ণমচাৰী শ্ৰীকান্তে নিজৰ ইউটিউব চেনেলত কয় যে মই ভাবোঁ বিৰাটে অধিনায়কত্বক হয়তো নাকচ কৰিলে ৷

কৃষ্ণমচাৰী শ্ৰীকান্তে আৰু কয় যে বিৰাট কোহলীয়ে নিশ্চয় আৰ চি বিৰ মেনেজমেণ্টক কৈছিল যে মই বেটিঙত গুৰুত্ব দিব বিচাৰোঁ। তেওঁ কয় যে আৰ চি বিৰ অধিনায়ক হিচাপে ৰজত পাটিদাৰ ভাল পচন্দ। আই পি এলত তেওঁ ভাল প্ৰদৰ্শন কৰিছে, কথাটো হ’ল তেওঁৰ পৰা বেছি আশা নাথাকিব। ২০০৭ চনত আমি যেতিয়া ধোনীক টি-২০ বিশ্বকাপৰ অধিনায়ক হিচাপে নিযুক্তি দিছিলোঁ তেতিয়া তেওঁৰ আৰু দলৰ পৰা বিশেষ আশা নাছিল। তেওঁ কয় যে অধিনায়ক হিচাপে ৰজত পাটিদাৰৰ পৰা বিশেষ আশা নাই, তেওঁ নিজে সিদ্ধান্ত ল’ব, কিন্তু বিৰাট কোহলীৰ পৰা পৰামৰ্শ লৈ থাকিব।

উৎসঃ প্ৰাগ নিউজ ডিজিটেল
 

Share This