চেম্পিয়নছ ট্ৰফী ২০২৫ ; নিৰাপত্তাৰ বাবে পাকিস্তানে নিয়োগ কৰিব ১২ হাজাৰৰো অধিক আৰক্ষী জোৱান 

Dainik janambhumi January 23, 2025

ডিজিটেল ডেস্কঃ পাকিস্তানৰ আতিথ্যত অনুষ্ঠিত হ’বলগীয়া চেম্পিয়নছ ট্ৰফী ২০২৫। অৱশ্যে ভাৰতে ডুবাইত খেলিব। ভাৰতৰ বাহিৰেও আন সকলো দলৰ মেচ আয়োজন কৰিব পাকিস্তানে। ১৯৯৬ চনত শেষবাৰৰ বাবে আইচিচিৰ ইভেণ্ট আয়োজন কৰা পাকিস্তানে এইবাৰৰ চেম্পিয়নছ ট্ৰফীত নিৰাপত্তাৰ ক্ষেত্ৰত গুৰুত্ব প্ৰদান কৰিছে। নিৰাপত্তাৰ ক্ষেত্ৰত সজাগতা দেখুৱাই পাকিস্তান আৰক্ষীৰ ১২ হাজাৰতকৈ অধিক জোৱান আৰু বিষয়া নিয়োগ কৰিব, যিয়ে সেনা আৰু ৰেঞ্জাৰৰ পৰাও সহায় লাভ কৰিব।

সংবাদ মাধ্যমৰ বাতৰি অনুসৰি বি চি চি আয়ে নিৰাপত্তাৰ কথা মনত ৰাখি ভাৰতীয় দলক পাকিস্তানলৈ প্ৰেৰণ নকৰাৰ সিদ্ধান্ত লৈছিল। এনে পৰিস্থিতিত চেম্পিয়নছ ট্ৰফীৰ আয়োজকে দল আৰু দৰ্শকৰ সুৰক্ষাৰ বাবে কঠোৰ ব্যৱস্থা কৰিব লাগিব।

সংবাদ মাধ্যমৰ মতে পাকিস্তানত অনুষ্ঠিত হ’বলগীয়া মেচসমূহৰ বাবে মুঠ ১২,৫৬৪জন আৰক্ষী বিষয়া আৰু জোৱান নিয়োগ কৰা হ’ব বুলি বিষয়াসকলে নিশ্চিত কৰিছে, যিসকলক সেনা আৰু ৰেঞ্জাৰৰ সহায়ো লাভ কৰিব। এক প্ৰতিবেদন অনুসৰি লাহোৰত আইন-শৃংখলা বজাই ৰাখিবলৈ মুঠ ৭৬১৮জন বিষয়া নিযুক্তি দিয়াৰ বিপৰীতে ৰাৱালপিণ্ডিত ৪৫৩৫জন নিৰাপত্তাৰক্ষী থাকিব। ইয়াৰ উপৰি আৰক্ষীৰ বিশেষ শাখাৰ ৪১১জন বিষয়াই এই প্ৰচেষ্টা আৰু অধিক শক্তিশালী কৰাত সহায় কৰিব।

পাকিস্তান সেনা আৰু ৰেঞ্জাৰসকলেও আকাশী চোৰাংচোৱাগিৰি কৰি নিৰাপত্তা আৰু অধিক বৃদ্ধি কৰিব। ইয়াৰ উপৰি ষ্টেডিয়ামলৈ যোৱা পথসমূহ ছেফ চিটিৰ কেমেৰাৰ জৰিয়তে নিৰীক্ষণ কৰা হ’ব। বিষয়াসকলে জোৰ দি কয় যে প্ৰতিযোগিতাখনত অংশগ্ৰহণ কৰা খেলুৱৈসকলৰ সুৰক্ষাই সৰ্বোচ্চ অগ্ৰাধিকাৰ দিয়া হ’ব, যাৰ বাবে তেওঁলোকক সমগ্ৰ প্ৰতিযোগিতাখনতে ৰাজ্যিক অতিথিৰ মৰ্যাদা দিয়া হ’ব।

Share This