চন্দ্ৰপুৰত পিক আপ ভানৰ খুন্দাত মটৰচাইকেলত গৈ থকা যুৱকৰ মৃত্যু

Rashmi April 01, 2025

ডিজিটেল ডেস্কঃ চন্দ্ৰপুৰত সংঘটিত হৈছে ভয়ংকৰ পথ দুৰ্ঘটনা। চন্দ্ৰপুৰৰ হাজোংবৰী অঞ্চলত সংঘটিত হৈছে দুৰ্ঘটনাটো।

ডি আই পিক আপ ভানৰ খুন্দাত মটৰচাইকেলত গৈ থকা এগৰাকী আৰোহীৰ মৃত্যু ঘটিছে। আৰোহীগৰাকী এগৰাকী কম বয়সীয়া যুৱক আছিল।

নিহত যুৱকজন চন্দ্ৰপুৰৰ তাঁতীমাৰা গাঁৱৰ বেদান্ত হাজৰিকা বুলি জানিব পৰা গৈছে ।
 
AS01PC 6302 নম্বৰৰ পিক আপ বাহনখনে AS  01FX 6980 নম্বৰৰ মটৰ চাইকেলখনক পিছফালৰ পৰা প্ৰচণ্ড জোৰত খুন্দা মাৰে ।

যাৰ ফলত মটৰচাইকেল চালকজন বহু দূৰলৈ ছিটিকি যায় আৰু গুৰুতৰভাৱে আহত হয়।

পিছত আহত যুৱকজনক GMCHত ভৰ্তি কৰা হয় যদিও যুৱকজনৰ চিকিৎসাধীন অৱস্থাত মৃত্যু হয়।

বেদান্ত হাজৰিকাৰ অকাল মৃত্যুত অঞ্চলজুৰি গভীৰ শোকৰ ছাঁ পৰিছে।

উৎস: প্ৰাগ নিউজ ডিজিটেল
 

Share This