ছট্টীশগড়ত নিৰাপত্তা বাহিনীৰে সংঘৰ্ষ, বৰ্তমানলৈকে ৩১জন নিহত

Rashmi February 09, 2025

ডিজিটেল ডেস্ক: ছট্টীশগড়ৰ বস্তৰ সংমণ্ডলৰ বিজাপুৰ জিলাত নিৰাপত্তা বাহিনী আৰু নক্সালবাদীৰ মাজত ভয়ংকৰ সংঘৰ্ষৰ হয় ৷এই সংঘৰ্ষত বৰ্তমানলৈকে নিহত হয় প্ৰায় ৩১জন নক্সালবাদী। ইতিমধ্যে ঘটনাস্থলীলৈ প্ৰেৰণ কৰা হৈছে অতিৰিক্ত বাহিনী।

জানিব পৰা অনুসৰি নিৰাপত্তা বাহিনীয়ে দেওবাৰে পুৱা ৰাষ্ট্ৰীয় উদ্যান এলেকাত নক্সালবাদীৰ উপস্থিতিৰ তথ্য লাভ কৰে। এই তথ্যৰ ভিত্তিত ডি আৰ জি আৰু এছ টি এফৰ জোৱানসকলে তালাচী অভিযান আৰম্ভ কৰে। আৰু তেনে সময়ছোৱাতে ৰাষ্ট্ৰীয় উদ্যান এলেকাত নক্সাল আৰু নিৰাপত্তাৰক্ষীৰ মাজত সংঘৰ্ষৰ সূত্ৰপাত হয় ।অভিযানৰ সময়ত নিৰাপত্তা বাহিনীৰ জোৱানৰ হাতত বহু নক্সাল নিহত হয় । আনহাতে অভিযানত নিৰাপত্তা বাহিনীয়ে সংঘৰ্ষ স্থানৰ পৰা বিপুল পৰিমাণৰ অস্ত্ৰ-শস্ত্ৰ উদ্ধাৰ কৰে, লগতে মৃত নক্সালবাদীকেইজনৰ চিনাক্তকৰণ প্ৰক্ৰিয়া অব্যাহত ৰাখিছে।

Share This