চিৰাঙৰ বিজনীত চোৰৰ অত্যাচাৰত অতিষ্ঠ ৰাইজ

Kakali Deka March 30, 2025

ডিজিটেল ডেস্কঃ দুটা গভাইত চোৰৰ অত্যাচাৰত অতিষ্ঠ হৈ দেওবাৰে ওলাই আহিল চিৰাঙৰ বিজনীৰ বাতাবাৰী গাঁৱৰ ৰাইজ।
ধৃত চোৰ দুটা বাতাবাৰী গাঁৱৰ ফৰহাদ আলী ওৰফে বাবু (২৮) আৰু ৰেজাবুল আলী ওৰফে হাফিছ(২৮)।

উল্লেখ্য যে যোৱা ২০ মাৰ্চৰ নিশা বাতাবাৰী গাঁৱৰ নিৱাসী জুব্বাৰ কাজী নামৰ এজন ব্যক্তিৰ বাসগৃহত চুৰিকাণ্ড সংঘটিত হৈছিল ।
ঘৰত কোনো নথকাৰ সুযোগ লৈ চোৰে জুব্বাৰ কাজীৰ বাসগৃহৰ পৰা ডেৰ লাখ টকা নগদ ধন আৰু সোণৰ আ-অলংকাৰসহ পাঁচ লাখ টকা চুৰ কৰি লৈ যায়।
এই চুৰিকাণ্ড সন্দৰ্ভত জুব্বাৰ কাজীয়ে বিজনী থানাত এখন এজাহাৰ দাখিল কৰে।

ইয়াৰ পৰৱৰ্তী সময়ত যোৱা ২৮ মাৰ্চৰ পুৱতি নিশা ৰাইজে ধৃত চোৰ দুটা ফৰহাদ আলী ওৰফে বাবু আৰু ৰেজাবুল আলী ওৰফে হাফিছক আটক কৰি আৰক্ষীৰ হাতত গতাই দিয়ে।দেওবাৰে বাতাবাৰী গাঁৱৰ ৰাইজ ওলাই আহি চোৰ দুটাৰ উচিত শাস্তিৰ দাবী কৰে।

উল্লেখ্য যে ধৃত চোৰ দুটা ফৰহাদ আলী ওৰফে বাবু আৰু ৰেজাবুল আলী ওৰফে হাফিছে দীৰ্ঘদিন ধৰি বাতাবাৰী গাঁৱত চুৰিকাণ্ড সংঘটিত কৰি একপ্ৰকাৰৰ সন্ত্ৰাসৰ সৃষ্টি কৰিছে।

Share This