১৬ ফ্ৰেব্ৰুৱাৰীৰ পাছতহে দিল্লীৰ নতুন চৰকাৰৰ শপত গ্ৰহণ 

dainik janambhumi February 14, 2025

ডিজিটেল ডেস্ক: প্ৰায় ২৭ বছৰৰ পাছত দিল্লীৰ মছনদ দখল কৰা ভাৰতীয় জনতা পার্টিয়ে (বিজেপি) দিল্লীত শপতগ্রহণ অনুষ্ঠানৰ আয়োজন কৰিবলৈ ব্যাপক পৰিকল্পনা হাতত লৈছে। শপতগ্রহণ অনুষ্ঠান দিল্লীস্থিত নেহৰু ষ্টেডিয়ামত অনুষ্ঠিত কৰাৰ সম্ভাৱনা আছে। এই ক্ষেত্ৰত সকলোৰে দৃষ্টি নিবদ্ধ হৈ আছে নেহৰু ষ্টেডিয়ামত। 

সূত্ৰসমূহে প্ৰকাশ কৰা অনুসৰি, ১৬ ফেব্ৰুৱাৰীৰ পাছত বিজেপিৰ বিধায়িনী দলৰ বৈঠক আৰু শপতগ্ৰহণ অনুষ্ঠান অনুষ্ঠিত হোৱাৰ সম্ভাৱনা আছে। প্ৰধানমন্ত্ৰী নৰেন্দ্ৰ মোদী বিদেশৰ পৰা ঘূৰি অহাৰ পাছতেই দিল্লীৰ বাবে এজন পর্যবেক্ষকক নিযুক্তি দিয়া হ'ব বুলি সূত্রসমূহে প্রকাশ কৰিছে। এই শপতগ্রহণ অনুষ্ঠানত ২০০তকৈ অধিক সাংসদ, বিজেপিৰ প্ৰাক্তন সাংসদ আৰু এন ডি এ শাসিত ৰাজ্যসমূহৰ মুখ্যমন্ত্ৰী আৰু উপ-মুখ্যমন্ত্ৰীসকল উপস্থিত থাকিব। বিজেপিয়ে এতিয়ালৈকে ৰাজ্যখনৰ বাবে নতুন মুখ্যমন্ত্ৰী নিৰ্বাচন কৰা নাই। প্রধানমন্ত্রী মোদী বিদেশৰ পৰা ওভতাৰ পাছতহে কেন্দ্ৰীয় শাসিত ৰাজ্যখনৰ নতুন মুখ্যমন্ত্ৰীৰ বাছনিৰ প্ৰক্ৰিয়া আৰম্ভ হ'ব বুলি সূত্ৰসমূহে সদৰী কৰিছে।

Share This