ডিজিটেল ডেস্ক: ধুবুৰীত দিনদুপৰতে আৰক্ষী জোৱানক আক্ৰমণ চিলনী চোৰৰ। এই ঘটনা সংঘটিত হৈছে ধুবুৰী আৰক্ষী অধীক্ষকৰ কাৰ্যালয়ৰ সন্মুখতে । ৭ নং অসম আৰক্ষীৰ বেটেলিয়নৰ জোৱান বিষ্ণু ৰায়ক আক্ৰমণ কৰি চেইন কাঢ়ি লোৱাৰ চেষ্টা চিলনী চোৰৰ।
গাত বিষাক্ত ঔষধ ছটিয়াই চোকা অস্ত্ৰৰে আক্ৰমণ কৰাৰ চেষ্টা কৰাৰ লগতে ডিঙিত থকা সোণৰ চেইন লৈ পলোৱাৰ চেষ্টা কৰোঁতেই আৰক্ষী আৰু ৰাইজৰ কবলত পৰিল চিলনী চোৰ।
ৰাইজে আৰক্ষী অধীক্ষকৰ কাৰ্যালয়ৰ সন্মুখতেই চোৰক দিলে লপা-থপা।
ঘটনাস্থলীত আৰক্ষীৰ দল উপস্থিত হৈ চিলনী চোৰটোক লৈ যায় ধুবুৰী সদৰ থানালৈ ।
আটক হোৱা চিলনী চোৰটোৰ নাম মণ্টি যাদৱ আৰু ঘৰ বিহাৰৰ কিষাণগঞ্জত বুলি জানিব পৰা গৈছে।