এগৰাকী বোৱাৰী নিৰুদ্দেশ হোৱাক লৈ শতাধিক মহিলাই ঘেৰাও কৰিলে ডিমৌ আৰক্ষী থানা

Kakali Deka March 17, 2025

ডিজিটেল ডেস্কঃ ডিমৌ আৰক্ষী থানাত উত্তপ্ত পৰিস্থিতি। শতাধিক মহিলাই ঘেৰাও কৰিলে ডিমৌ আৰক্ষী থানা। এগৰাকী নিৰুদ্দেশ বোৱাৰীক কেন্দ্ৰ কৰি উত্তপ্ত হৈ পৰিছে ডিমৌ। 

ডিমৌ ভেকেলাই বসন্ত দিহিঙীয়াৰ পত্নী বীণা কোঁৱৰ চাৰিদিন ধৰি নিৰুদ্দেশ হৈ আছে। ৰাইজৰ অভিযোগ দীৰ্ঘদিন ধৰি স্বামী বসন্ত ওৰফে মুন দিহিঙীয়াই শাৰীৰিকভাৱে অত্যাচাৰ চলাই আহিছিল নিজ পত্নীক। 

নিৰুদ্দেশ হোৱাৰ দিনাও স্বামীয়ে অত্যধিক অত্যাচাৰ কৰিছিল পত্নী বীণাক। ৰাইজৰ অভিযোগ পত্নীক হত্যা কৰি মৃতদেহ লুকুৱাই ৰাখিছে স্বামীয়ে। 

থানাত এজাহাৰ দিয়াৰ পাছতো আৰক্ষীয়ে তদন্ত লেহেম কৰাৰ অভিযোগত আজি ডিমৌ আৰক্ষী থানা ঘেৰাও কৰে মহিলাসকলে।

উৎস: প্ৰাগ নিউজ ডিজিটেল
 

Share This