সৰ্বাধিক দৰ উঠিল দীপ্তি শৰ্মাৰ, ৩.২০ কোটি টকাত ৱাৰিয়ৰ্ছলৈ, মহিলা প্রিমিয়াৰ লীগৰ নিলাম

dainik janambhumi November 28, 2025

ডিজিটেল ডেস্ক : প্রত্যাশিতভাৱেই মহিলা প্রিমিয়াৰ লীগৰ (ডব্লিউ পি এল) নিলামত সৰ্বাধিক দৰ উঠিল বিশ্ব কাপ জয়ী ভাৰতীয় দলৰ অন্যতম সদস্য দীপ্তি শৰ্মাৰ। ৩.২০ কোটি টকাত দীপ্তিক পুনৰ ক্ৰয় কৰিলে ইউ পি ৱাৰিয়ছে। 

ইফালে, মুম্বাই ইণ্ডিয়ানছে যোৱা ছিজনত যুটীয়াকৈ সর্বাধিক উইকেট দখলকাৰী নিউজিলেণ্ডৰ অলৰাউণ্ডাৰ এমেলিয়া কেৰক ৩ কোটি টকাত দলভুক্ত কৰে। আনহাতে, অষ্ট্ৰেলিয়ান মেগ লের্নিং আৰু নিউজিলেণ্ডৰ ছুফি ডিভাইনেও বৃহৎ অংকৰ টোপোলা লাভ কৰে। 

গুজৰাট জায়েন্টছে ২ কোটি টকাত ডিভাইনক ক্ৰয় কৰাৰ বিপৰীতে ৱাৰিয়ছে ১.৯০ কোটি টকাত লেনিঙক দলত অন্তর্ভুক্ত কৰে। দক্ষিণ আফ্ৰিকাৰ অ'পেনাৰ ল'ৰা উলভার্টক ১.১০ কোটি টকাত লাভ কৰে দিল্লী কেপিটেলছে। ইফালে অলৰাউণ্ডাৰ অসমৰ জিন্টিমণি কলিতা (আধাৰ মূল্য ১০ লাখ) আৰু উইকেট কীপাৰ উমা চেত্ৰীক (আধাৰ মূল্য ৫০ লাখ) কোনো দলে ক্রয় নকৰিলে।

Share This