৪১খন দেশৰ বিৰুদ্ধে কঠোৰ নিষেধাজ্ঞা আমেৰিকাৰ

Rashmi March 15, 2025

ডিজিটেল ডেস্ক : আমেৰিকাই কেইবাখনো দেশৰ নাগৰিকৰ ওপৰত ভ্ৰমণ নিষেধাজ্ঞা আৰোপ কৰাৰ সম্ভাৱনা আছে। আমেৰিকাৰ ট্ৰাম্প প্ৰশাসনে অতি সোনকালে ৪১খন দেশৰ বিৰুদ্ধে কঠোৰ নিষেধাজ্ঞা আৰোপ কৰাৰ কথা চিন্তা কৰিছে। সংবাদ সংস্থা ৰয়টাৰৰ এক প্ৰতিবেদনত প্ৰকাশ পাইছে এই তথ্য। ৪১খন দেশৰ তালিকাত অন্তৰ্ভুক্ত আছে চুবুৰীয়া দেশ পাকিস্তানো।

আনহাতে এই ৪১খন দেশৰ তালিকা তিনিটা ভিন্ন গোটত বিভক্ত কৰা হৈছে। ইয়াৰে প্ৰথমটো গোটত থকা দেশকেইখনৰ ভিতৰত আছে আফগানিস্তান, ইৰাণ, ছিৰিয়া, কিউবা আৰু উত্তৰ কোৰিয়াৰ দৰে ১০খন দেশৰ নাম। এই দেশসমূহৰ নাগৰিকৰ ভিছা সম্পূৰ্ণৰূপে নিষিদ্ধ কৰা হ’ব। দ্বিতীয়টো গোটত থকা দেশকেইখন হৈছে ইৰিত্ৰিয়া, হাইটি, লাওছ, ম্যানমাৰ আৰু দক্ষিণ চুডান। এই দেশসমূহে আংশিকভাৱে নিলম্বনৰ সন্মুখীন হ’ব যদিও কিছুমান ক্ষেত্ৰত ইয়াৰ ব্যতিক্ৰম হ’ব পাৰে।আনহাতে তৃতীয়টো গোটত বেলাৰুছ, পাকিস্তান আৰু তুৰ্কমেনিস্তানৰ দৰে দেশকে ধৰি ২৬খন দেশ অন্তৰ্ভুক্ত কৰা হৈছে। এই দেশসমূহৰ নাগৰিকক ভিছা প্ৰদানৰ ক্ষেত্ৰত আংশিকভাৱে নিষেধাজ্ঞা আৰোপ কৰা হ’ব পাৰে।

Share This