২৩০ কোটি টকীয়া ড্ৰ'ন ক্ৰয়ৰ চুক্তি বাতিল কৰিলে ভাৰতীয় সেনাই 

Dainik janambhumi February 08, 2025

ডিজিটেল ডেস্ক: ঘৰুৱা প্রস্তুতকাৰী সকললৈ এটা গুৰুত্বপূৰ্ণ প্রত্যাহ্বান আনি, সেনাই কমেও ৪০০ ড্র'ন ক্ৰয় কৰিবলগীয়া ২৩০ কোটি টকা মূল্যৰ এখন চুক্তি বাতিল কৰিছে। পূব লাডাখত থকা প্রকৃত নিয়ন্ত্রণ ৰেখাৰ (এল এ চি) কাষত নিয়োজিত কৰিব লগা এই ৪০০ ড্ৰ'নৰ প্ৰস্তুত কৰাৰ বাবে চীনৰ উপাদান ব্যৱহাৰ কৰাৰ কথিত অভিযোগৰ পাছতেই ভাৰতীয় সেনাই এই সিদ্ধান্ত লয়।

এই ঠিকাটোত ২০০ মধ্যমীয়া উচ্চতাৰ ড্ৰ'ন, ১০০ গধুৰ ওজনৰ ড্ৰ'ন আৰু ১০০ পাতল ওজনৰ ড্ৰ'ন ক্ৰয় কৰাৰ চুক্তি আছিল। এই লজিষ্টিক ড্র'নসমূহ প্রস্তুতৰ বাবে ঠিকা লাভ কৰাসকলৰ ভিতৰত চেন্নাইস্থিত ধাক্ষা নামৰ কোম্পানীটো আছিল অন্যতম মুখ্য কোম্পানী। ভাৰতীয় সেনাৰ এই সিদ্ধান্তৰ পাছত কোম্পানীটোৰ বেয়াকৈ ক্ষতি হৈছে। প্ৰতিৰক্ষা বিভাগৰ সূত্ৰই প্ৰকাশ কৰা অনুসৰি চীন-ভিত্তিক ইলেক্ট্রনিক উপাদান এই ড্র'নসমূহত সংযোজন কৰা হৈছে বুলি তদন্তত প্রকাশ পোৱাৰ পাছতেই দেশৰ নিৰাপত্তাৰ স্বাৰ্থত এই চুক্তি বাতিল কৰা হয়।

Share This