সৰুপথাৰত বৃহৎ পৰিমাণৰ ড্ৰাগছসহ ৰাজু আলীক গ্ৰেপ্তাৰ

Kakali Deka February 03, 2025

ডিজিটেল ডেস্কঃ মাৰাত্মক ড্ৰাগছে গ্ৰাস কৰিছে অসমৰ যুৱ প্ৰজন্মৰ একাংশক। এচাম যুৱক-যুৱতীৰ মাজত দিনক দিনে বাঢ়িছে ড্ৰাগছ আসক্তি। ড্ৰাগছৰ বিৰুদ্ধে অসম চৰকাৰ তথা আৰক্ষীয়ে কঠোৰ স্থিতি গ্ৰহণ কৰাৰ পাছতো ৰাজ্যৰ ঠায়ে ঠায়ে এতিয়াও ড্ৰাগছৰ প্ৰচলন অব্যাহত আছে।

সৰুপথাৰৰ নাওজান ৩ নং নৱবেতনিত বৃহৎ পৰিমাণৰ ড্ৰাগছসহ এজনক গ্ৰেপ্তাৰ কৰিছে আৰক্ষীয়ে।

১০ টা চাবোনৰ বাকচত লুকুৱাই অনা হৈছিল ১০৫.৭৩ গ্ৰামৰ নিষিদ্ধ হেৰ'ইন৷

হেৰ'ইনখিনি জব্দ কৰিছে আৰক্ষীয়ে।

ড্ৰাগছখিনি কঢ়িয়াই অনা ড্ৰাগছ ব্যৱসায়ীটোৰ নাম ৰাজু আলী।

পলায়ন কৰিবলৈ চেষ্টা কৰা ৰাজু আলীক ধৰিবলৈ আৰক্ষীয়ে শূন্যলৈ গুলীচালনা কৰে৷

স্থানীয় ৰাইজৰ সহযোগত গোলাঘাট আৰক্ষীয়ে নাওজান আৰক্ষীৰ সহযোগত খেদি খেদি কৰায়ত্ত কৰে ড্ৰাগছ বেপাৰী ৰাজু আলীক৷

AS 04 X 3287 নম্বৰৰ এখন স্কুটীত আনিছিল ড্ৰাগছখিনি৷ স্কুটীখনো জব্দ কৰিছে আৰক্ষীয়ে।

কুখ্যাত ড্ৰাগছ ব্যৱসায়ী ৰাজু আলীক গ্ৰেপ্তাৰত সন্তোষ প্ৰকাশ সচেতন মহলৰ।

উৎস- প্ৰাগ নিউজ ডিজিটেল