ডিজিটেল ডেস্ক : প্ৰতি বছৰে আজিৰ দিনটোত পালন কৰা হয় ধৰিত্ৰী ঘণ্টা ৷ জলবায়ু পৰিৱৰ্তনৰ প্ৰতি ব্যাপক সজাগতা সৃষ্টিৰ উদ্দেশ্যে সমগ্ৰ বিশ্বজুৰি পালন কৰা হয় এই ‘ধৰিত্ৰী ঘণ্টা’।উল্লেখযোগ্য যে প্ৰতি বছৰে মাৰ্চ মাহৰ শেষৰ শনিবাৰে ‘ধৰিত্ৰী ঘণ্টা’ পালন কৰা হয়।
এই দিনটোত স্থানীয় সময় অনুসৰি নিশা ৮:৩০ বজাৰ পৰা ৯:৩০ বজালৈকে এঘণ্টাৰ বাবে অপ্ৰয়োজনীয় লাইটসমূহ বন্ধ কৰিবলৈ অনুৰোধ জনোৱা হয়। এই ধৰিত্ৰী ঘণ্টা ৱৰ্ল্ড ৱাইড ফাণ্ডৰ উদ্যোগত পালন কৰা হৈ আহিছে ৷ ১৯০খনতকৈও অধিক দেশত পালন কৰা আৰ্থ আৱাৰ, এই বছৰ ‘সকলোৰে বাবে পানী’ শীৰ্ষক বিষয়বস্তুৰ অধীনত পালন কৰা হ'ব ৷
আৰ্থ আৱাৰৰ উদ্দেশ্য হৈছে বহনক্ষম জীৱন-যাপনৰ প্ৰতি অধিক দায়িত্ববোধৰ সৃষ্টি কৰা। একেদৰে এইবাৰ ২২ মাৰ্চ শনিবাৰে অৰ্থাৎ আজি নিশা ৮:৩০ বজাৰ পৰা ৯:৩০ বজালৈ বিশ্বজুৰি পালন কৰা হ’ব ‘ধৰিত্ৰী ঘণ্টা’। য’ত কোৱা হৈছে- ‘পৃথিৱীৰ কল্যাণৰ বাবে আপুনি দিয়ক ৬০ মিনিট।এই উপলক্ষে ৰাজ্য চৰকাৰে ‘ধৰিত্ৰী ঘণ্টা’ পালনৰ বাবে চলাইছে ব্যাপক প্ৰস্তুতি।