ইথিঅ'পিয়াত বিধ্বস্ত প্রাথমিক শিক্ষা

dainik janambhumi January 25, 2025

ডিজিটেল ডেস্ক : পূব আফ্ৰিকাৰ দেশ ইথিঅ'পিয়াত ৯ কোটিতকৈও অধিক শিশুৱে বিদ্যালয় শিক্ষাৰ পৰা বঞ্চিত হৈছে। দেশখনত চলি থকা সশস্ত্র সংঘর্ষ, প্রাকৃতিক দুর্যোগ, গোষ্ঠীগত সংঘর্ষ আৰু অৰ্থনৈতিক মন্দাৱস্থাৰ ফলত বিদ্যালয় শিক্ষা ত্যাগ কৰা শিশুৰ সংখ্যা বৃদ্ধি হয় বুলি বিশেষজ্ঞসকলে প্রকাশ কৰিছে।

২০২৩ বর্ষত ইথিঅ'পিয়াত ৩৫,৪৪৪,৪৮২গৰাকী শিশুৱে বিদ্যালয়ৰ পথ গচকিব লাগিছিল যদিও ইয়াৰে মাত্ৰ ২২,৯৪৯,৫৯৭জন শিশুৱেহে বিদ্যালয়ত নামভর্তি কৰে। উল্লেখযোগ্য যে উক্ত বর্ষত বিদ্যালয়ত নামভর্তি কৰিবলগীয়া শিশুৰ ভিতৰত
৫২ শতাংশই প্রাথমিক বিদ্যালয়ত নামভর্তি কৰিবলগীয়া শিক্ষার্থী আছিল। 

২০২০ চনত দেশখনত প্রাদেশিক চৰকাৰ আৰু টাইগ্রে আঞ্চলিক চৰকাৰৰ মাজত সংঘটিত সশস্ত্র সংঘৰ্ষৰ লগতে প্রাকৃতিক দুৰ্যোগৰ ফলত ২০২৪ বৰ্ষৰ নৱেম্বৰ পৰ্যন্ত প্রায় ১০ হাজাৰ বিদ্যালয় বিধ্বস্ত হয় আৰু প্রায় ৬ হাজাৰ বিদ্যালয় বন্ধ কৰিবলগীয়া হয়। ইয়াৰ ফলত দেশখনৰ ছোমালী, টাইগ্রে, এমহাৰ, অৰুনিয়া আৰু এফাৰ অঞ্চলৰ শিশুসকল আটাইতকৈ বেছি ক্ষতিগ্রস্ত হয়।

Share This