ফিফা মহিলা বিশ্ব কাপত দল বৃদ্ধি হ'ব ৪৮টালৈ

dainik janambhumi May 12, 2025

ডিজিটেল ডেস্ক : ফিফাই ঘোষণা কৰিছে যে ২০৩১ চনৰ সংস্কৰণৰ পৰা আৰম্ভ কৰি পুৰুষৰ প্ৰতিযোগিতাৰ দৰেই ৩২টা দলৰ পৰা ৪৮টা দললৈ বৃদ্ধি কৰা হ'ব মহিলা ফুটবল বিশ্ব কাপৰ দল। ২০২৬ চনত অনুষ্ঠিত হ'ব লগীয়া ফুটবল বিশ্ব কাপৰ বাবে পুৰুষৰ প্ৰতিযোগিতা ৪৮টা দললে সম্প্ৰসাৰিত কৰা হ'ব। এই প্রতিযোগিতা আমেৰিকা, কানাডা আৰু মেক্সিকোৱে আয়োজন কৰিব। 

ফিফাৰ সভাপতি জিয়ানি ইনফান্টিনোৱে কয় যে ২০২৩ চনত অষ্ট্ৰেলিয়া আৰু নিউজিলেণ্ডত অনুষ্ঠিত হোৱা মহিলা বিশ্ব কাপ ফুটবলৰ সফলতাৰ পাছত এই সম্প্ৰসাৰণ ঘটিছে। নকআউট পর্যায়ে আন বহু অভিলেখৰ লগতে বিশ্বব্যাপী প্রতিযোগিতামূলক ক্ষমতাৰ বাবে এক নতুন মান নির্ধাৰণ কবিৰ। ইনফান্টিনোৱে কয় যে মহিলা ফুটবল সম্পৰ্কত পৰৱৰ্তী পদক্ষেপ গ্রহণ কৰাটোৱে নিশ্চিত কৰিছে যে অধিক ফিফা সদস্য সংস্থাই নিজৰ মহিলা ফুটবলৰ গাঁথনি উন্নত কৰি তুলিব আৰু প্রতিযোগিতাখনৰ পৰা লাভৱান হোৱাৰ সুযোগ পাব। ফিফাই ২০৩১ আৰু ২০৩৫ চনৰ মহিলা বিশ্ব কাপৰ আয়োজক দেশ অনুমোদন দিব লাগিব এটা বৈধ নিবিদা প্রক্রিয়াৰ মাজেৰে। যোৱা মাহত ইনফান্টিনোৱে কয় যে ২০২৬ চনত অনুষ্ঠিত হ'ব লগীয়া ফুটবল বিশ্ব কাপৰ বাবে পুৰুষৰ প্রতিযোগিতাখন ৪৮টা দললৈ সম্প্ৰসাৰিত কৰা হ'ব, যিটো আমেৰিকা, কানাডা আৰু মেক্সিকোৱে আয়োজন কৰিব। আনহাতে, ফিফা পৰিষদেও বর্ণবাদ বিৰোধী নতুন ব্যৱস্থা গ্রহণ কৰি বিশেষকৈ জৰিমনা বৃদ্ধি কৰিছে। 

ফেডাৰেশ্যনসমূহেও নিজৰ অনুশাসন সংহিতা মানি চলিব লাগিব। ফিফাই ড'পিং গোচৰত ৰাষ্ট্ৰীয় নিষেধাজ্ঞা অপর্যাপ্ত বুলি বিশ্বাস কৰিলে ক্রীড়াৰ আদালতত আৱেদন কৰিব পাৰে। ১৫মে'ত পেৰাগুৱেৰ আছুনচিঅ'ত অনুষ্ঠিত হ'ব লগীয়া ৭৫ সংখ্যক ফিফা কংগ্ৰেছৰ প্ৰস্তুতিৰ বিষয়েও ২১১গৰাকী ফিফা কাউন্সিলৰ সদস্যক অৱগত কৰা হয়। ফিফা কাউন্সিলে আফগান মহিলা ফুটবলাৰসকলক সহায় কৰাৰ কৌশলতো অনুমোদন জনায়, য'ত আফগান মহিলা শৰণাৰ্থী দল গঠন কৰাটোও অন্তর্ভুক্ত হৈছে। 'ফিফাই সংশ্লিষ্ট খেলুৱৈসকলৰ সৈতে পোনপটীয়াকৈ সংযোগ কৰি আছে আৰু এয়া এক লেণ্ডমাৰ্ক পদক্ষেপ হ'ব।'- ইনফান্টিনোৱে লগতে কয়।

Share This