প্রথমে বিষাক্ত বায়ুৰ কাৰণ বিচাৰক, তাৰ পাছতহে সমাধান সূত্র

dainik janambhumi January 07, 2026

ডিজিটেল ডেস্ক : দিল্লীৰ বায়ু প্রদূষণ সন্দৰ্ভত চৰকাৰলৈ গুৰুত্বপূৰ্ণ নির্দেশনা দিছে উচ্চতম ন্যায়ালয়ে। ৰাষ্ট্ৰীয় ৰাজধানীখনৰ ভয়াৱহ প্রদূষণৰ সমস্যাৰ কাৰণসমূহ প্রথমে বিচাৰি উলিয়াবলৈ আৰু তাৰ পাছতহে সমাধানৰ চিন্তা কৰিবলৈ চৰকাৰৰ প্রতি ন্যায়ালয়ে পৰামৰ্শ আগবঢ়াইছে। 

দিল্লীৰ বায়ু প্ৰদূষণ সম্পর্কীয় এটা গোচৰৰ শুনানি গ্ৰহণ কৰি মুখ্য ন্যায়াধীশ সূর্যকান্তে কয় যে প্ৰদূষণৰ সন্দৰ্ভত ন্যায়ালয়ে 'ছুপাৰ বিশেষজ্ঞ'ৰ দৰে কথা নকয়, কিন্তু বিশেষজ্ঞসকলে এক স্বচ্ছ আৰু নির্দিষ্ট সময়ভিত্তিক প্ৰক্ৰিয়াৰে প্ৰদূষণৰ কাৰণসমূহ বিচাৰি উলিওৱাটো নিশ্চিত কৰিব লাগে। 

ন্যায়ালয়ে বায়ুৰ মান ব্যৱস্থাপনা আয়োগক (চি এ কিউ এম) দুসপ্তাহৰ ভিতৰত বিশেষজ্ঞৰে বৈঠক অনুষ্ঠিত কৰি প্ৰদূষণৰ কাৰণসমূহ বিচাৰি উলিওৱাৰ বাবে নির্দেশ দিয়ে।

Share This