ছান্নাত আমেৰিকাৰ ক্ষেপণাস্ত্র আক্রমণত ৪জন নিহত

dainik janambhumi April 08, 2025

ডিজিটেল ডেস্কঃ য়েমেনৰ বিদ্রোহীৰ দখলত থকা ৰাজধানী ছান্নাত দেওবাৰে সন্দেহযুক্ত আমেৰিকাৰ ক্ষেপণাস্ত্র আক্রমণত কমেও ৪জন লোকৰ মৃত্যু হয়। হুথীৰ দ্বাৰা নিয়ন্ত্ৰিত স্বাস্থ্য মন্ত্রালয়ে এই কথা কয়।

ইফালে, আমেৰিকাৰ ৰাষ্ট্ৰপতি ড'নাল্ড ট্রাম্পে সামাজিক মাধ্যমত প'ষ্ট কৰা এটা বোম্বিং ভিডিঅ' অনুসৰি এই আক্রমণত নিহতৰ সংখ্যা বিদ্রোহীসকলে কৰা প্রাপ্তি স্বীকাৰতকৈ অধিক হ'ব পাৰে বুলি অনুমান কৰা হৈছে। স্বাস্থ্য মন্ত্ৰালয়ে কয় যে ছান্নাৰ এই আক্ৰমণৰ ফলত এটা ঘৰৰো ক্ষতি হয় আৰু ১৬জন লোক আহত হয়।

অৱশ্যে, হুথীসকলে তেওঁলোকৰ নিৰাপত্তা আৰু সামৰিক নেতৃত্বৰ প্রাণহানি হোৱাৰ কথাটো ৰাজহুৱা কৰা নাই। অলপতে মধ্য প্রাচ্যৰ জলপৃষ্ঠত আমেৰিকাৰ জাহাজৰ ওপৰত আক্ৰমণ চলিছিল। ট্রাম্পে ইতিমধ্যে এটা ভিডিঅ'ত হুথীসকলক প্রত্যাহ্বান জনাইছে আৰু আমেৰিকাৰ জাহাজ কেতিয়াও ডুবাব নোৱাৰে বুলি প্ৰকাশ কৰিছে।

Share This