বিশ্ব কাপৰ আটাইতকৈ দামী দল ফ্রান্স

dainik janambhumi June 04, 2026

ডিজিটেল ডেস্ক : ব্যক্তিগত মূল্যৰ ক্ষেত্ৰত লায়নেল মেছি আৰু ক্রিষ্টিয়ানো ৰ'নাল্ডো আগুৱাই আছে। তথাপি সকলো ফুটবলাৰৰ মুঠ মূল্যৰ আধাৰত আর্জেন্টিনা আৰু পর্তুগাল পিছপৰি আছে। এই ক্ষেত্রত কিলিয়ান এমবাপেৰ দল ফ্রান্স শীর্ষত আছে। সকলো ফুটবলাৰৰ মুঠ মূল্যৰ ক্ষেত্রত ফ্রান্সে ৪৭খন দেশক অতিক্রম কৰিছে। দ্বিতীয় স্থানত আছে ইংলেণ্ড আৰু তৃতীয়ত আছে লামিনে ইয়ামালৰ দল স্পেইন। এক সংবাদ মাধ্যমৰ প্ৰতিবেদন অনুসৰি এমবাপেৰ দলৰ মুঠ মূল্য ১৬,৯৫৫ কোটি টকা। ফ্ৰান্সৰ আটাইতকৈ দামী ফুটবলাৰ এমবাপেৰ মূল্য ২২২০ কোটি টকা। দ্বিতীয় স্থানত থকা ইংলেণ্ডৰ মূল্য ১৪,৫১২ কোটি টকা। ইংলেণ্ড দলৰ আটাইতকৈ দামী ফুটবলাৰগৰাকী হৈছে জুড বেলিংহাম। তেওঁৰ মূল্য প্রায় ১৫৫৪ কোটি টকা। বিশ্ব কাপৰ দামী দলৰ তালিকাৰ প্ৰথম ৫টা স্থানত আছে স্পেইন, পর্তুগাল আৰু জার্মানি। এই তিনিটা দলৰ মুঠ মূল্য ক্রমে ১৪ হাজাৰ, ১১ হাজাৰ ৩০০ আৰু ১১ হাজাৰ ৭৮ কোটি টকা। 

পাঁচবাৰৰ বিজয়ী ব্রাজিল আছে ষষ্ঠ স্থানত। তেওঁলোকৰ দলৰ মূল্য প্রায় ১০ হাজাৰ ১২৪ কোটি টকা। যোৱাবাৰৰ চেম্পিয়ন আর্জেন্টিনাই অষ্টম স্থান দখল কৰিছে। লায়নেল মেছিৰ দলৰ মূল্য ৯ হাজাৰ ৯০ কোটি টকা। দক্ষিণ আমেৰিকাৰ দুই দেশৰ মাজত আছে নেদাৰলেণ্ড। সপ্তম স্থানত থকা নেদাৰলেণ্ডৰ মূল্য ৯ হাজাৰ ৩০০ কোটি টকা। প্রথম ১০টা দলৰ মাজত আছে নৰৱে আৰু বেলজিয়ামো। নৱম স্থানত থকা নৰৱেৰ মুঠ মূল্য প্রায় ৬ হাজাৰ ৬৭২ কোটি টকা। 

দশম স্থানত থকা বেলজিয়ামৰ মুঠ মূল্য প্রায় ৬ হাজাৰ ২৭ কোটি টকা। বিশ্ব কাপৰ মূল আয়োজক আমেৰিকাই অষ্টাদশ স্থানত আছে, য'ত তেওঁলোকৰ মুঠ মূল্য ৪,২০০ কোটি টকা। আনহাতে, এছিয়াৰ সবাতোকৈ দামী দল হৈছে জাপান আৰু তেওঁলোকৰ মুঠ মূল্য ৩ হাজাৰ ৯৬ কোটি টকা।

Share This