এটা বিশেষ মন্দিৰ, য'ত চাকি জ্বলাবলৈ ব্যৱহাৰ হয় পানী

Kakali Deka January 28, 2025

ডিজিটেল ডেস্ক : আশ্চৰ্যকৰ! আমাৰ পৃথিৱীখন বিভিন্ন ৰহস্যৰে আৱৰা। সাধাৰণতে আমি চাকি জ্বলাবলৈ তেল ব্যৱহাৰ কৰোঁ। কিন্তু আজি আমি জনাবলৈ লৈছোঁ এটা বিশেষ মন্দিৰৰ বিষয়ে। যিটো মন্দিৰত তেলৰ পৰিৱৰ্তে চাকি জ্বলোৱা হয় পানীৰে।পৃথিৱীত ধৰ্ম আৰু আস্থাৰ নামত কিছুমান এনে ধৰণৰ চমৎকাৰ হয় যিবোৰ অবিশ্বাস্য যেন লাগিলেও সত্য।

এনেকুৱা এক ধৰণৰ চমৎকাৰ এটা দেৱী মন্দিৰত দেখিবলৈ পোৱা গৈছে য'ত চাকি জ্বলাবলৈ কোনো ধৰণৰ ঘিউ বা তেলৰ প্ৰয়োজন নহয় । এয়া নতুন কথা নহয় বহু বছৰ আগৰ পৰাই এই মন্দিৰত পানীৰ দ্বাৰা চাকি জ্বলোৱা হয় ।মন্দিৰটো হৈছে মধ্যপ্ৰদেশৰ শাজাপুৰ জিলাৰ গাড়িয়া গাঁৱত অৱস্থিত "গাড়িয়াঘাট ৱালী মাতাজী" মন্দিৰ ।এই মন্দিৰৰ দৰ্শন কৰিবলৈ বহু দূৰ-দূৰণিৰ পৰা ভক্ত আহি ভিৰ কৰা পৰিলক্ষিত হয়।এই মন্দিৰটোত বিগত পাঁচ বছৰৰ পৰা এগচি চাকি জ্বলি আছে।

উল্লেখযোগ্য যে মন্দিৰটোত প্ৰথমতে তেলৰ চাকিয়ে জ্বলোৱা হৈছিল কিন্তু পাঁচ বছৰ আগতে মন্দিৰৰ এজন পূজাৰীক সপোনত মাতাজী আহি পানীৰ চাকি জ্বলাবলৈ কৈছিল।পুৱা উঠি পূজাৰীয়ে মন্দিৰৰ ওচৰত থকা কালিসিন্ধ নদীৰ পৰা পানী আনি চাকি জ্বলাবলৈ চেষ্টা কৰে আৰু চাকি গচি জ্বলিও উঠে। এই ঘটনাই পূজাৰীক আচৰিত কৰি তোলে। 

আনহাতে তাৰ কিছুদিন পিছতেই তেওঁ এই কথা গাঁৱৰ লোকসকলৰ আগত প্ৰকাশ কৰে যদিও কোনোৱে বিশ্বাস কৰা নাছিল।কিন্তু যেতিয়া পূজাৰীজনে পানীৰ দ্বাৰা চাকি জ্বলাই সেই কথা প্ৰমাণ কৰিছিল তেতিয়া গাঁৱৰ সকলোৱে আচৰিত হৈ উঠে।তাৰ পিছৰ পৰা বৰ্তমানলৈকে মাতাজীৰ আদেশ অনুসৰি সেই মন্দিৰটোত পানীৰ চাকি জ্বলাই আহিছে ভক্তসকলে।

Share This