জার্মানিত গাড়ীয়ে মহতিয়ালে ২৮ লোকক 

dainik janambhumi February 14, 2025

ডিজিটেল ডেস্কঃ জার্মানিৰ চেণ্ট্ৰেল মিউনিখত বৃহস্পতিবাৰে এটা প্ৰদৰ্শনকাৰী দলক কাৰ এখনে মহতিয়াই লৈ যোৱাৰ ফলত শিশুসহ কমেও ২৮গৰাকী লোক গুৰুতৰভাৱে আহত হয়। জার্মানিৰ চৰকাৰী কৰ্তৃপক্ষই সদৰী কৰা অনুসৰি, এই ঘটনাটোক এটা আক্রমণ বুলি সন্দেহ কৰা হৈছে। আৰক্ষীয়ে এই ঘটনাত সন্দেহজনক অভিযুক্ত এজন আফগান শৰণাৰ্থীক গ্ৰেপ্তাৰ কৰিছে। বৃহস্পতিবাৰে পুৱা প্ৰায় ১০-৩০ বজাত ডাউন টাউন মিউনিখৰ সমীপৰ এটা পথেৰে এটা প্ৰদৰ্শনকাৰী দলে খোজকাঢ়ি গৈ থকা অৱস্থাত আফগান শৰণাৰ্থীজনৰ কাৰখনে তেওঁলোকক মহতিয়াই লৈ যায়। 

এখন আৰক্ষীৰ গাড়ীক অতিক্ৰম কৰি সমৱেত লোকসকলক অনুসৰণ কৰাৰ বাবে কাৰখনৰ চালকজনে কাৰখনৰ গতি বৃদ্ধি কৰে আৰু দলটোৰ লোকসকলক মহতিয়াই লৈ যায়। ইয়াৰ পাছতে আৰক্ষীয়ে কাৰখনক লক্ষ্য কৰি গুলীচালনা কৰে। আফগান শৰণাৰ্থীজনে সমৱেত লোকসকলক আক্ৰমণৰ উদ্দেশ্যে আহিছিল বুলি আৰক্ষীয়ে সন্দেহ কৰিছে। শেহতীয়াকৈ জার্মানিত অবৈধ প্ৰব্ৰজনকাৰীৰ সমস্যা বৃদ্ধি হোৱাৰ পাছত এনেধৰণৰ শৰণাৰ্থীৰ আক্ৰমণ সংঘটিত হৈয়ে আছে।

Share This