আগষ্টত আই এম এফ এৰিব গীতা গোপীনাথে

dainik janambhumi July 23, 2025

ডিজিটেল ডেস্ক : আন্তঃৰাষ্ট্ৰীয় মুদ্রা নিধি (আই এম এফ) ২ নম্বৰ স্থানৰ শীৰ্ষ বিষয়া গীতা গোপীনাথে আগষ্ট মাহৰ শেষত আই এম এফ ত্যাগ কৰিব আৰু হার্ভার্ড বিশ্ববিদ্যালয়লৈ ঘূৰি আহিব। সোমবাৰে আই এম এফে এটা বিবৃতিত এই কথা সদৰী কৰে। আই এম এফৰ পৰিচালন সঞ্চালক ক্রষ্টেলিনা জর্জিভাই গোপীনাথৰ উত্তৰসুৰিৰ নাম উপযুক্ত সময়ত ঘোষণা কৰিব।

২০১৯ চনত গোপীনাথে সংস্থাটোত মুখ্য অর্থনীতিবিদ হিচাপে যোগদান কৰি এই পদত কাৰ্যনিৰ্বাহ কৰা প্ৰথম মহিলা ৰূপে পৰিগণিত হৈছিল আৰু ২০২২ চনৰ জানুৱাৰী মাহত প্ৰথম উপ-পৰিচালন সঞ্চালক পদলৈ উন্নীত হৈছিল। মার্কিন কোষাগাৰে এই সন্দর্ভত এতিয়ালৈকে কোনো মন্তব্য দিয়া নাই। পৰম্পৰা অনুসৰি ইউৰোপৰ দেশসমূহে নিধিৰ পৰিচালন সঞ্চালকজনক নির্বাচিত কৰাৰ বিপৰীতে মার্কিন কোষাগাৰে প্ৰথম উপ-পৰিচালন সঞ্চালকজনক নির্বাচিত কৰে।

ভাৰতত জন্মগ্রহণ কৰা গোপীনাথে হার্ভার্ড বিশ্ববিদ্যালয়ৰ অৰ্থনীতিৰ অধ্যাপক হিচাপে পূৰ্বৰ পদলৈ ঘূৰি আহিব।

Share This