৮৩,৭৫০ টকা হ'ল সোণৰ দাম

Dainik janambhumi January 31, 2025

ডিজিটেল ডেস্ক : সোণৰ দাম দিনকদিনে বৃদ্ধি পাই গৈ আছে। ইয়াৰ ফলত এতিয়া সোণ সাধাৰণ মানুহৰ বাবে সহজলভ্য হৈ থকা নাই। কালি সোণৰ দামে সৰ্বকালৰ অভিলেখৰ সৃষ্টি কৰে আৰু প্ৰতি দহ গ্ৰামৰ দাম হয়গৈ ৮৩,৭৫০ টকা। 

মন কৰিবলগীয়া যে কালি ২৪ কেৰেটৰ সোণৰ প্ৰতি দহ গ্রামৰ দাম ৯১০ টকা বৃদ্ধি পায়। এসপ্তাহৰ ভিতৰত সোণৰ দাম প্রায় ১,৬০০ টকা বৃদ্ধি পায়। আনহাতে কালি প্রতি কিল'গ্ৰাম ৰূপৰ দাম প্রায় এহেজাৰ টকা বৃদ্ধি পাই ৯৩,০০০ টকা হয়গৈ। ইফালে ১ ফেব্ৰুৱাৰীত কেন্দ্রীয় বাজেট দাখিল কৰা হ'ব। ইয়াৰ আগে আগে ভাৰতীয় শ্বেয়াৰ বজাৰলৈ সুদিন উভতি অহা পৰিলক্ষিত হৈছে। 

শ্বেয়াৰ বজাৰত একেৰাহে দুদিন সূচকাংক ঊর্ধ্বগামী হয়। কালি শ্বেয়াৰ বজাৰত হোৱা উত্থানৰ ফলত বিনিয়োগকাৰীৰ প্রায় ৮ লাখ কোটি টকা লাভ হয়। কালি বম্বে ষ্টক এক্সছেঞ্জৰ সূচকাংক ছেনছেক্স ৬১৩.৫৫ পইন্ট ঊর্ধ্বগামী হৈ ৭৬,৫৩২.৯৬ পইণ্ট হয়গৈ। আনহাতে ৰাষ্ট্ৰীয় ষ্টক এক্সছেঞ্জৰ সূচকাংক নিফটি ২০৫.৮৫ পইন্ট ঊর্ধ্বগামী হৈ ২৩,১৬৩.১০ হয়।

Share This