গুৱাহাটীত দুষ্প্রাপ্য কেকোসাপ উদ্ধাৰ

Kakali Deka January 25, 2025

ডিজিটেল ডেস্কঃ গুৱাহাটীত দুষ্প্রাপ্য কেকোসাপ উদ্ধাৰ। এক উল্লেখযোগ্য বন্যপ্ৰাণী উদ্ধাৰ অভিযানত যোৱা ২৪ জানুৱাৰী, শুকুৰবাৰে বেহাৰবাৰীৰ সেউজ নগৰত অভিযান চলাই গুৱাহাটী আৰক্ষীয়ে সফলতাৰে উদ্ধাৰ কৰে দুষ্প্রাপ্য কেকোসাপ। 

ঘটনাস্থলীৰ পৰা এটা মোবাইল ফোন আৰু এখন স্কুটি (পঞ্জীয়ন নম্বৰ AS01F-A4228) জব্দ কৰে।

আৰক্ষীয়ে এক্সত এই অভিযানৰ সবিশেষ ঘোষণা কৰি কয় যে, ‘‘বশিষ্ঠ আৰক্ষীৰ ইজিপিডিৰ এটা দলে বেহাৰবাৰীৰ সেউজ নগৰত অভিযান চলাই এটা কেকোসাপ উদ্ধাৰ কৰে। কাজু ৰায়(১৮) নামৰ এজন দোষীক আটক কৰা হৈছে আৰু AS01F-A4228 নম্বৰৰ স্কুটি, মোবাইল ফোন জব্দ কৰা হৈছে। ঘটনাৰ সন্দৰ্ভত আইনী ব্যৱস্থা আৰম্ভ।”

শেহতীয়াকৈ অসমত বন্যপ্ৰাণী সংৰক্ষণৰ বাবে এই অভিযান চলোৱা হৈছে। 

যোৱা ২১ জানুৱাৰীত বন বিষয়া আৰু বন্যপ্ৰাণী অপৰাধ নিয়ন্ত্ৰণ ব্যুৰো (WCCB)ৰ যৌথ অভিযানত তিনিচুকীয়াত বনৰৌৰ ছাল, নাহৰফুটুকীৰ ছাল, আৰু শৰপহুৰ শিং উদ্ধাৰ কৰা হৈছে।

Share This