ছয় ইজৰাইলী পণবন্দীক মুকলি কৰিলে হামাছে 

Dainik janambhumi February 23, 2025

ডিজিটেল ডেস্ক: ইজৰাইলৰ সৈতে হোৱা যুদ্ধ-বিৰতি চুক্তিৰ অধীনত হামাছে শনিবাৰে ছজন ইজৰাইলী পণবন্দীক মুকলি কৰি দিয়ে। প্রথমে ৫গৰাকী পণবন্দীক মুকলি কৰি দিয়াৰ পাছত পলমকৈ অন্তিমজন ইজৰাইলী পণবন্দীক মুকলি কৰি দিয়ে আৰু পণবন্দীজন ইতিমধ্যে ইজৰাইলত আহি উপস্থিত হৈছে। পণবন্দীজনক তাৎক্ষণিকভাৱে চিনাক্ত কৰিব পৰা নাই যদিও তেওঁক হিশ্বহাম আল-চৈয়দ (৩৬) বুলি ধাৰণা কৰা হৈছে। 

তেওঁ এজন মানসিক ৰোগী আৰু ২০১৫ চনত স্বেচ্ছাই গাজাত প্ৰৱেশ কৰিছিল আৰু তেতিয়াৰ পৰা হামাছে তেওঁক পণবন্দী কৰি ৰাখিছিল। এতিয়ালৈকে প্রথম পর্যায়ত হামাছে মুঠ ২৫ ইজৰাইলী পণবন্দীক মুকলি কৰি দিছে। আনহাতে, শুকুৰবাৰে হামাছে প্রত্যর্পণ কৰা পণবন্দী ছিৰি বিবাছৰ মৃতদেহটো তেওঁৰ পৰিয়ালে চিনাক্ত কৰে। মৃত ছিৰিৰ পৰিয়ালে কয় যে বন্দিত্ব অৱস্থাত হামাছে তেওঁলোকৰ ছিৰিক হত্যা কৰিছিল আৰু তেওঁৰ মৃতদেহটো এতিয়া ঘূৰাই দিছে।

Share This