দ্বিতীয় পৰ্যায়ৰ যুদ্ধ - বিৰতিৰ বিষয়ত হামাজৰ মন্তব্য 

dainik janambhumi March 16, 2025

ডিজিটেল ডেস্ক : ইজৰাইলে যদি যুদ্ধ-বিৰতিৰ চুক্তি ৰূপায়ণ কৰে, তেতিয়াহে হামাছে এজন আমেৰিকান-ইজৰাইলী পণবন্দী মুকলি কৰিব আৰু অন্য চাৰিজন ইজৰাইলী পণবন্দীৰ মৃতদেহ ঘূৰাই দিব। যুদ্ধ-বিৰতিৰ চুক্তিয়ে পুনৰবাৰ গতি লাভ কৰাৰ সময়তে হামাছৰ তৰফৰ পৰা এই মন্তব্য আহিছে। 

হামাছৰ এজন জ্যেষ্ঠ বিষয়াই কয় যে যুদ্ধ-বিৰতিৰ দ্বিতীয় পৰ্যায়ৰ আৰম্ভণি দিনাই এই মুকলি প্ৰক্ৰিয়া আৰম্ভ হ'ব আৰু এই দ্বিতীয় পৰ্যায়ৰ যুদ্ধ-বিৰতিৰ চুক্তি ৫০ দিনতকৈ বেছি দিন টিকি নাথাকে বুলি তেওঁ মন্তব্য কৰে। হামাছৰ নেতাজনে কয় যে গাজালৈ মানৱীয় সাহায্য অহাত বাধা দিয়াটো ইজৰাইলে বন্ধ কৰিব লাগিব আৰু ইজিপ্তৰ সীমান্তৰ সৈতে থকা গাজালৈ অহা কৌশলগত কৰিডৰটো উঠাই ল'ব লাগিব। 

উল্লেখযোগ্য যে হামাছৰ হাতত এতিয়ালৈকে ৫৯গৰাকী পণবন্দী আছে আৰু ইয়াৰে ৩৫গৰাকীৰ মৃত্যু হৈছে বুলি ধাৰণা কৰা হৈছে। ইফালে, হামাছৰ এই মন্তব্যৰ পাছত ইজৰাইলী সেনাৰ তৰফৰ পৰা এতিয়ালৈকে কোনো তাৎক্ষণিক প্রতিক্রিয়া অহা নাই। ইফালে, এই যুদ্ধ বিৰতিৰ দ্বিতীয় প্ৰক্ৰিয়া চলি থকাৰ মাজতেই শনিবাৰে গাজাৰ উত্তৰ দিশত ইজৰাইলী সেনাই আক্ৰমণ কৰি সাংবাদিকসহ ৯গৰাকী লোকক হত্যা কৰে। পেলেষ্টাইনৰ হামাছৰ স্বাস্থ্য মন্ত্ৰ্যালয়ে এই কথা সদৰী কৰি কয় যে যুদ্ধ বিৰতিৰ এই প্ৰচেষ্টা চলি থকাৰ মাজতেই বেইটলাহিয়া চহৰত ইজৰাইলে আক্ৰমণ কৰি কেইবাজনো সাংবাদিকসহ শ্রমিক কেইজনমানক হত্যা কৰে।

Share This