চেম্পিয়নছ ট্ৰফী লৈ স্বদেশত‌ উপস্থিত টীম ইণ্ডিয়া

dainik janambhumi March 12, 2025

ডিজিটেল ডেস্কঃ ডুবাইত চেম্পিয়নছ ট্ৰফীৰ খিতাপ জয়ৰ পাছতে ৰোহিত শর্মা নেতৃত্বাধীন ভাৰতীয় ক্রিকেট দলটো স্বদেশত উপস্থিত হৈছেহি। ১ মাহৰ ভিতৰত দ্বিতীয়টো আই চি চি খিতাপ জয়ত দলক নেতৃত্ব দিয়া ৰোহিতে সোমবাৰে নিশা মুম্বাইত পদার্পণ কৰে। ২২ মার্চত আৰম্ভ হ'বলগীয়া আই পি এলৰ বাবে নিজ নিজ দলত যোগ দিবলৈ ক্রিকেটাৰসকলে এসপ্তাহ সময় পাব। সকলো খেলুৱৈয়ে নিজৰ পৰিয়ালৰ সৈতে সোমবাৰে ডুবাই এৰে বুলি বি চি চি আইৰ এক সূত্রই জানিবলৈ দিছে। দুমাহজোৰা আই পি এলৰ আগে আগে খেলুৱৈসকলে জিৰণি লোৱাৰ পোষকতা কৰাবৰ বাবে বি চি চি আয়ে কোনো আনুষ্ঠানিক সম্বর্ধনা অনুষ্ঠানৰ আয়োজন নকৰে।

মুখ্য প্রশিক্ষক গৌতম গম্ভীৰ আৰু পেচাৰ হর্ষিত ৰাণাই সোমবাৰে নিশা দিল্লীত উপস্থিত হয়। তাৰকা বেটাৰ বিৰাট কোহলী আৰু পত্নী অনুষ্কা শর্মাই দেওবাৰে নিশা দেৰিকৈ ডুবাই ষ্টেডিয়ামৰ পৰা উভতি অহাৰ পাছতেই দলৰ হোটেল এৰে। ইফালে, পঞ্জাব কিংছক নেতৃত্ব দিবলগীয়া শ্রেয়াষ আয়াৰে ১৬ মার্চত দলত যোগ দিব।

Share This