৩-০ত শৃংখলা জয় ভাৰতৰ

dainik janambhumi February 13, 2025

ডিজিটেল ডেস্ক: শুভমন গীলৰ বেটিং বিক্ৰমৰ লগতে বলাৰৰ হিচাপী প্ৰদৰ্শনৰ সহায়ত ইংলেণ্ডক তৃতীয় তথা অন্তিম এদিনীয়াত ১৪২ ৰানত হৰুৱাই ভাৰতে ৩-০ ব্যৱধানত শৃংখলা হস্তগত কৰে। গীলৰ মসৃণ ১১২ ৰানৰ লগতে বিৰাট কোহলী (৫২) আৰু শ্রেয়াষ আয়াৰৰ (৭৮) অর্ধ শতৰানৰ জৰিয়তে ভাৰতে পোনতে বেট ধৰি ৩৫৬ ৰান কৰে। পৰৱৰ্তী সময়ত ভাৰতৰ নিয়ন্ত্ৰিত বলিঙৰ সন্মুখত তিষ্ঠিব নোৱাৰা ইংলেণ্ডে ৩৪.২ অ'ভাৰত ২১৪ ৰানতে কেউটা উইকেট হেৰুৱায়। অতিথি ইংলিছ বাহিনীৰ হৈ টম বার্নটনে ৩৮, গাছ আটকিনছনে ৩৮, বেন ডাকেটে ৩৪, জ' ৰুটে ২৪ আৰু ফিলিপ ছল্টে ২৩ ৰান কৰে। ভাৰতৰ অৰ্শদীপ সিং, হৰ্ষিত ৰাণা, অক্ষৰ পেটেল আৰু হার্দিক পাণ্ডিয়াই দুটাকৈ উইকেট দখল কৰে। ইয়াৰ আগেয়ে শুভমন গীলৰ এদিনীয়া ক্রিকেটত সপ্তমটো শতৰানৰ সহায়ত ভাৰতে ৩৫৬ ৰান কৰিছিল। দ্বিতীয় এদিনীয়াত শতৰান কোবোৱা অধিনায়ক ৰোহিত শৰ্মা ১ ৰানতে আউট হ'লেও গীলে ১০২টা বলত ১৪টা চাৰি আৰু তিনিটা ছয়সম্বলিত ১১২ ৰানেৰে ভাৰতৰ বৃহৎ স্ক'ৰৰ ভেটি গড়ে। সহঃ অধিনায়ক গীলক যোগ্য সহযোগিতা আগবঢ়ায় বিৰাট কোহলী আৰু শ্রেয়াষ আয়াৰে।

এদিনীয়াত নিজৰ ৭৩সংখ্যক অর্ধ-শতৰান পূৰ কৰা কোহলীয়ে ৫৬টা বলত ৭টা চাৰি আৰু এটা ছয়েৰে ৫২ ৰান কৰি আউট হয়। আনহাতে, আয়াৰে ৬৪টা বলত ৮টা চাৰি আৰু দুটা ছয়েৰে ৭৪ ৰানৰ অৱদান যোগায়। গীলে দুটাকৈ শতৰানৰ যুটি বান্ধি দলীয় স্ক'ৰ ৩০০-ৰ সীমা পাৰ কৰোৱাত আগভাগ লয়। প্রথমে কোহলীৰ সৈতে ১১৬ আৰু পৰৱৰ্তী সময়ত আয়াৰৰ সৈতে ১০৪ ৰানৰ যুটি বান্ধে গীলে। আনহাতে, লোকেশ ৰাহুলে ২৯টা বল খেলি তিনিটা চাৰি আৰু এটা ছয়েৰে ৪০ ৰানৰ বৰঙনি যোগায়। ইংলেণ্ডৰ আদিল ৰছিদে সর্বাধিক ৪টা আৰু মাৰ্ক উডে পায় দুটা উইকেট।

Share This