বিশ্ব কাপলৈ ভাৰতৰ যোগ্যতা অর্জন

dainik janambhumi September 08, 2025

ডিজিটেল ডেস্ক : ভাৰতীয় পুৰুষ হকী দলে অহা বছৰৰ বিশ্ব কাপলৈ যোগ্যতা আহৰণ কৰিছে। এছিয়া কাপ হকীৰ দেওবাৰৰ ফাইনেলত দক্ষিণ কোৰিয়াক ৪-১ গ'লত হৰুৱাই সেই কৃতিত্ব অর্জন কৰে ভাৰতে। ফাইনেলত ভাৰতৰ হৈ দিলপ্রীত সিঙে ২৮ আৰু ৪৫ মিনিটত দুটা গ'ল দিয়ে।

আন দুটা গ'ল দিয়ে সুখজিৎ সিং (১ মিনিট) আৰু অমিত ৰোহি দাসে (৫০ মিনিট) । ডিফেণ্ডিং চেম্পিয়ন দক্ষিণ কোৰিয়াই ৫১ মিনিটত এটা গ'ল পৰিশোধ কৰে। সমগ্র প্রতিযোগিতাখনত অবিজিত থকা ভাৰতে ৫খনত জয় আৰু এখন খেল ড্ৰৰে সামৰে। ভাৰতৰ এয়া চতুর্থ এছিয়া কাপ জয়। ইয়াৰ আগেয়ে ভাৰতে ২০০৩, ২০০৭ আৰু ২০১৭ চনত খিতাপ জিকিছিল। অহা বছৰৰ বিশ্ব কাপ বেলজিয়াম আৰু নেদাৰলেণ্ডত ১৪-৩০ আগষ্টত অনুষ্ঠিত হ'ব

Share This