৫টা পাকিস্তানীক অনুপ্ৰৱেশকাৰীক হত্যা কৰিলে ভাৰতীয় সেনাই 

Kakali Deka April 03, 2025

ডিজিটেল ডেস্কঃ ভাৰত আৰু পাকিস্তানৰ মাজত থকা যুদ্ধ-বিৰতি চুক্তি ভংগ কৰি মঙলবাৰে পাকিস্তানী সেনাই জম্মু-কাশ্মীৰৰ পুঞ্চ জিলাত আক্রমণ কৰে। আনহাতে, ভাৰতীয় সেনাই এই আক্ৰমণৰ প্ৰত্যুত্তৰ দি ৫টা অনুপ্ৰৱেশকাৰীক হত্যা কৰিবলৈ সক্ষম হয়। ভাৰতীয় সেনাৰ সূত্র অনুসৰি, পুঞ্চ জিলাৰ কৃষ্ণা ঘাটি এলেকাত পাকিস্তানী সেনাৰ অনুপ্ৰৱেশৰ প্ৰচেষ্টাক সফলতাৰে প্রতিহত কৰিবলৈ সক্ষম হয় ভাৰতীয় সেনা।

 

পাকিস্তানী সেনা আৰু অনুপ্ৰৱেশকাৰীয়ে মঙলবাৰে গুলীয়াবলৈ আৰম্ভ কৰাৰ পাছত ভাৰতীয় সেনায়ো ইয়াৰ প্রত্যুত্তৰ দিয়ে। পাকিস্তানী পক্ষৰ বহুতো ক্ষয়-ক্ষতি হৈছে বুলি সূত্রসমূহে দাবী কৰিছে। শেহতীয়া মাহসমূহৰ ভিতৰত পাকিস্তানে প্ৰথমবাৰৰ বাবে যুদ্ধ-বিৰতি চুক্তি উলংঘা কৰিছে বুলি সূত্ৰসমূহে সদৰী কৰিছে। এই আক্ৰমণত ভাৰতীয় পক্ষৰ কোনো লোক হতাহত হোৱা নাই বুলি সেনাই সদৰী কৰিছে।

Share This