এণ্টি-শ্বিপ ক্ৰুজ ক্ষেপণাস্ত্ৰৰ পৰীক্ষা ইৰানৰ

dainik janambhumi February 03, 2025

ডিজিটেল ডেস্কঃ আমেৰিকা আৰু ইজৰাইলক প্রত্যাহ্বান জনাই ইৰানে শেহতীয়াকৈ পৰীক্ষা কৰে ১ হাজাৰ কিল'মিটাৰ গমন দূৰত্বৰ (ৰেঞ্জ) এটা এন্টি-শ্বিপ ক্রুজ মিছাইল। 

এই পৰীক্ষাই উদ্বিগ্ন কৰিছে আমেৰিকাক, কাৰণ এই মিছাইলে পাৰস্য উপসাগৰ আৰু ওমান উপসাগৰত থকা আমেৰিকা নৌ সেনা বাহিনীৰ জাহাজত আঘাত হানিব পাৰিব। 

মন কৰিবলগীয়া যে এই মিছাইল বা ক্ষেপণাস্ত্রটো এজন জোৱানেই পাঁচ মিনিটত প্রস্তুত আৰু উৎক্ষেপণ কৰিব পাৰে। দেশখনৰ ৰাষ্ট্ৰীয় টিভিৰ বাতৰিত এই কথা প্ৰকাশ কৰা হৈছে। 

ইৰানৰ ৰিউলিউশ্যনেৰী গাৰ্ডৰ নৌ বাহিনীৰ মুৰব্বী জেনেৰেল আলি ৰেজা তাংচিৰিয়ে কয়, 'এইটো হৈছে গদৰ-৩৮০ মাইল টাইপ এল মিছাইল। ইয়াৰ দীর্ঘতম গমন দূৰত্ব হৈছে ১,০০ কিল'মিটাৰ। এই মিছাইলৰ এন্টি-জেমিং ক্ষমতাও আছে।' অৱশ্যে প্রকাশিত বাতৰিত পৰীক্ষাৰ সময়ৰ কথা উল্লেখ কৰা হোৱা নাই।

Share This