ইজৰাইল-হামাছৰ যুদ্ধবিৰতিৰ তৃতীয় পর্যায়

Dainik janambhumi January 31, 2025

ডিজিটেল ডেস্ক : গাজাষ্ট্ৰিপত চলি থকা যুদ্ধবিৰতি চুক্তি অনুসৰি হোৱা পণবন্দী-বন্দী বিনিয়মৰ তৃতীয়টো খেপত বৃহস্পতিবাৰে হামাছে আৰু ৮গৰাকী পণবন্দী মুকলি কৰি দিয়ে। এই পণবন্দীসকলৰ ভিতৰত ইজৰাইলৰ এজন পুৰুষ আৰু দুগৰাকী মহিলা তথা থাইলেণ্ডৰ পাঁচজন নাগৰিক আছে। হামাছে ৮গৰাকী পণবন্দীক মুকলি কৰি দিয়াৰ পাছতে ইজৰাইল চৰকাৰে ১১০গৰাকী পেলেষ্টাইনী বন্দীৰ মুক্তিৰ কাম আৰম্ভ কৰে। 

ইফালে ৱেষ্ট বেংকৰ তাম্মুন নগৰত ইজৰাইলে কৰা আক্ৰমণত বৃহস্পতিবাৰে কমেও ১০জন পেলেষ্টাইনীৰ মৃত্যু হয়। উল্লেখযোগ্য যে হামাছ আৰু ইজৰাইলৰ মাজত শেহতীয়াকৈ হোৱা যুদ্ধবিৰতি চুক্তিৰ পাছত ৫ লাখতকৈ অধিক পেলেষ্টাইনী উত্তৰ গাজালৈ উভতি আহিছে।

Share This