ডিজিটেল ডেস্ক : ইজৰাইলে গাজা ষ্ট্ৰিপত ভয়াৱহ আক্রমণ চলাই চাৰি শতাধিক লোকক হত্যা কৰাৰ পাছত এই যুদ্ধ আৰম্ভ কৰাৰ বিৰুদ্ধে জেৰুজালেমত হাজাৰ হাজাৰ ইজৰাইলীয়ে প্রতিবাদী শোভাযাত্রা বাহিৰ কৰে।
প্রতিবাদীসকলে আশংকা প্রকাশ কৰে যে ইজৰাইলৰ এই আক্রমণে হামাছৰ ওচৰত থকা প্রায় দুই ডজন পণবন্দীৰ জীৱন বিপদাপন্ন কৰিব পাৰে।
প্রধানমন্ত্রী নেটান্যাহুৱে আক্রমণৰ যোগেদি যুদ্ধবিৰতি ভংগ কৰাৰ পাছত বুধবাৰে ইজৰাইলী সংসদৰ বাহিৰত দেখা গ'ল দেশখনৰ ৰাষ্ট্ৰীয় পতাকা জোকাৰি প্রতিবাদ কৰা লোকাৰণ্য। উল্লেখযোগ্য যে হামাছৰ হাতত এতিয়াও ৫০ গৰাকী পণবন্দী আছে, যিসকলৰ ২৪জন জীৱিত বুলি ভবা হৈছে।